VOV4.Sêdang - Kơxê lơ 18 khế 5, a Tíu pêi cheăng kăn xiâm hnê ngăn tơnêi têa, pôa Trần Đại Quang, kăn xiâm hnê ngăn tơnêi têa tơdah khu râ kăn xiâm dêi khu mơdró kâ mâu kong têa xua Kuăn Pơtáu Brunei, cho Pengiran Muda Abdul Qawi pơkuâ djâ khu kăn dế lăm pôu [ă vâ ‘no liăn cheăng mơdró kâ a Thanh Hóa tối phá xêh [ă a Việt Nam tối tơdjuôm. Koh tơdah Kuăn Pơtáu Abdul Qawi rơtế [ă mâu khu kăn cheăng tung Khu kăn Brunei troh Việt Nam, pôa Trần Đại Quang mơnhên tối, tơru\m cheăng pơla péa tơnêi têa tung pơla achê kố, malối cho tung mâu kơvâ cheăng kal kí, cheăng kâ, mơhno mơjiâng túa le#m tro, tơ’noăng ivá [ă hnê hriâm, mơhé tiah mê tơru\m cheăng kâ, tê mơdró rế hía rế châ mơdêk la tá hâi tơxâng [ă tơdroăng ki hiăng ai hlâu [ă rơhêng vâ dêi tá Việt Nam [ă Brunei. Pôa Trần Đại Quang tối rơdêi, tung tơdroăng tơru\m cheăng, Việt Nam rơhêng vâ châ tơru\m cheăng [ă tâi tâng mâu kong têa tung lâp plâi tơnêi, [ă kô pro chiâng ăm tơdroăng ki tơ’lêi hlâu ăm mâu khu mơdró kâ Brunei, xuân môi tiah mâu khu ki ‘no liăn cheăng kong têa ê ‘no liăn a Việt Nam tung mâu kơvâ cheăng môi tiah mơjiâng pro hngêi trăng, troăng klông kơpong cheăng kâ [ă mâu kơpong ki pêi cheăng [ă kơmăi kơmok, hngêi ăm tơmối kâ koi ối pơtê [ă ôm hyô. Péa pâ kô mơdêk tơru\m cheăng tung mâu kơvâ pêi cheăng dêi Việt Nam [ă tơdroăng ki rơhêng vâ ‘na pêi cheăng kong têa ê ki vâ chía hên dêi Brunei, malối cho a mâu kong pơlê ki ai hên kuăn pơlê [ă mâu tơdroăng cheăng ki hên môi tiah Thanh Hóa.

Katarina Nga tơplôu [ă tơbleăng