VOV4.Sêdang - Hâi lơ 27 khế 6, pôa Trần Đại Quang, Kăn xiâm hnê ngăn tơnêi têa rơtế [ă khu kăn cheăng dêi tơnêi têa pêi cheăng [a\ khu kăn pơkuâ xiâm dêi kong pơlê Phú Yên ‘na pêi pro hnoăng cheăng mơnhông mơdêk cheăng kâ – rêh ối pơlê pơla, tơniăn gak kring, cheăng lêng, tơdroăng tê mơdró [a\ tơdroăng rêh ối dêi kuăn pơlê tung kong pơlê.

Xông tơpui a kố, pôa Trần Đại Quang, Kăn xiâm hnê ngăn tơnêi têa pơkâ thế kong pơlê Phú Yên kal tơku\m thăm mơjiâng hngêi trăng, troăng klông, tíu hrik mơ’no hyôh phôn, rơ’jíu, um tivi [a\ Internet, on tơhrik; mơhnhôk mơ’no liăn vâ po rơdâ mơjiâng mâu kế tơmeăm khoăng ki kal hdrối. Mơjiâng kơpong cheăng kâ peăng hdroh Phú Yên chiâng môi tung mâu tíu xiâm cheăng kơmăi kơmok, kơno tuk kân má môi dêi kơpong peăng hdroh pá tơdế tơnêi têa [a\ Tây Nguyên. Môi tuăn [a\ pơkâ xiâm, hnoăng cheăng, túa mơnhông cheăng kâ – rêh ối pơlê pơla, tơniăn cheăng lêng – gâk kring hneăng hơnăm 2015 – 2020 ki hneăng hôp khu kăn Đảng [o# kong pơlê roh má 16 hiăng mơ’no pơkâ, Kăn xiâm hnê ngăn tơnêi tối, vâ châ tơ-[rê tiô pơkâ kố kong pơlê Phú Yên kal mơnhông mơdêk pêi cheăng xúa kơmăi kơmok – mơjiâng pro kế tơmeăm khoăng, tơku\m mâu kơvâ cheăng kơmăi kơmok ai pơxúa, ai ivá tơbriât cheăng. ‘Na hbrâ ví kong prâi pro hơ’lêh, kong tô khăng khoăng, têa xăng po lân mot, Kăn xiâm hnê ngăn tơnêi têa pơkâ thế kong pơlê kal mơhnhôk khu mơ’no liăn cheăng pơlê pơla, mơjiâng pro rơchôa, hno têa vâ bê têa tôh kế tơmeăm, ki má lối a mâu kơpong ki đi đo khăng khoăng, têa xăng po lân mot.

A Sa Ly tơplôu [a\ tơbleăng