VOV4.Sêdang - Kơxêi lơ 4 khế 7, a tíu pêi cheăng dêi pôa Trần Đại Quang, kăn xiâm hnê ngăn tơnêi têa hiăng pơcháu hlá mơ-éa pôk 20 ngế kăn teăng mâ tơnêi têa Ko\ng hoa xah ho#i chuh ngiah Việt Nam a kong têa ê hneăng hơnăm 2016-2019.

Rơkâu mâu kăn teăng mâ châ rah xo pêi hnoăng cheăng ki nếo, pôa Trần Đại Quang, Kăn xiâm hnê ngăn tơnêi têa tối nhên, mâu kăn teăng mâ xo pêi hnoăng cheăng a hơnăm ki apoăng pêi pro tiô pơkâ hneăng hôp kân Đảng rôh má 12. Tung mê, Hneăng hôp hiăng tối tơdroăng mơdêk tâi tâng tơdrêng tơdroăng hơ’lêh nếo pêi 4 tơdroăng cheăng ki kal má môi: Mơnhông mơdêk pêi cheăng kâ-rêh ối pơlê pơla cho ki xiâm, mơjiâng Đảng cho ki xiâm, mơjiâng ‘na tơdroăng rêh ối le\m, kuăn mơngế cho ki xiâm ‘na hiâm mơno ki rak vế, pêi pro tơdroăng le\m tro. Mơdêk hnoăng cheăng kring vế tơniăn le\m cho ki xiâm thế pêi pro đi đo. Kăn xiâm hnê ngăn tơnêi têa púi vâ mâu kăn teăng mâ pêi pro tro tơdroăng pơkâ vâ tơbleăng pêi hnoăng cheăng dêi Kơ koan teăng mâ a kong têa ê. Kăn xiâm hnê ngăn tơnêi têa tối tiah kố, tung la ngiâ tơdroăng tung lâp plâi tơnêi [ă tung kơpong kô rơ-iô, mâu kăn teăng mâ kal thế pêi pro kơtăng 3 tơdroăng cheăng ‘na tơpui kâ ki hiăng tối a hneăng hôp kân má 12, mê cho: Rak tơniăn tơdroăng ki hơniâp le\m, tăng troăng pro tơniăn, tí tăng tơru\m [ă mâu ki rơdêi pá gong vâ mơnhông tơnêi têa, kho\m pêi pro, mơ-eăm tơplâ vâ kring vế dêi tơnêi têa, mơdêk ki rơdêi, ki vâi nhoa#m dêi tơnêi têa.  

Gương tơplôu [a\ tơbleăng