VOV4.Sêdang - Tiô rơkong krếo thế dêi pôa Trần Đại Quang, Kăn xiâm hnê ngăn tơnêi têa, pôa Barack Obama, Kăn xiâm pơkuâ kong têa Mih, mê a  kơmăng hâi lơ 22 khế 5 hiăng troh a Hà Nội pơxiâm roh lăm pôu pêi cheăng a Việt Nam sap hâi lơ 23 troh hâi lơ 25 khế 5 hơnăm 2016. Kơxo hâi lơ 23 khế 5, leh tơdah kân krip hiăng châ tơku\m po a tíu pêi cheăng Kăn xiâm. Pôa Trần Đại Quang, Kăn xiâm hnê ngăn tơnêi têa pơkuâ roh tơdah. Kố cho roh lăm pôu pêi cheăng Việt Nam ki apoăng dêi pôa Barack Obama, Kăn xiâm pơkuâ kong têa Mih [a\ cho roh lăm pôu pêi cheăng dêi Kăn xiâm pơkuâ kong têa Mih má pái troh a Việt Nam sap ing péa kong têa tơniăn tơru\m [a\ dêi pó sap hơnăm 1995 nah. Pôa Trần Đại Quang sôk ro tơdah Kăn xiâm pơkuâ kong têa Mih rơtế [ă khu kăn xiâm troh lăm pôu pêi cheăng a Việt Nam kum thăm tơru\m tâ mê nếo tung tu\m túa cheăng pơla péa pâ. Sap ing tơniăn tơru\m cheăng hơnăm 1995, ki rơhêng vâ tối klêi kơ’nâi péa tơnêi têa tơru\m tu\m túa cheăng, tơru\m cheăng pơla Việt Nam – kong têa Mih châ tơ-[rê tâ nếo, châ tơ-[rê tung hên túa cheăng, tơru\m pơla péa pâ tơnêi têa. Rơtế [a\ thăm tơru\m cheăng kal kí, tơru\m cheăng kâ pơla Việt Nam – Mih xuân châ tơ-[rê hên. Kong têa Mih hiăng chiâng tíu tơru\m tê mơdró kân má môi dêi Việt Nam. Pêi lo liăn tê mơdró pơla péa pâ pơtối tâk a kơlo 20% tung mâu hơnăm achê kố, châ lối 45 rơtal dollar a hơnăm 2015. Kong têa Mih mơ’no liăn cheăng tung Việt Nam châ lối 11 rơtal dollar, ối má 7 tung mâu kong têa mơ’no liăn cheăng a Việt Nam. Klêi kơ’nâi tơdah kân krip, pôa Barack Obama hiăng tơpui tơno [a\ pôa Trần Đại Quang [a\ kô ai mâu roh trâm mâ [a\ kăn xiâm pơkuâ Đảng, Tơnêi têa, Chin phuh Việt Nam vâ tơpui mâu túa thăm tơru\m tu\m túa pơla Việt Nam [a\ Mih tung la ngiâ.

Gương tơplôu [ă tơbleăng