VOV.Sêdang - Vâ chê troh hâi vâi hdrêng lâp plâi tơnêi lơ 1 khế 6 [a\ khế pêi cheăng xua vâi hdrêng hơnăm 2016, kơxo hâi lơ 30 khế 5, a tíu pêi cheăng Kăn xiâm hnê ngăn, pôa Trần Đại Quang hiăng ai roh trâm mâ 55 ngế vâi hdrêng ai tơdroăng rêh ối trâm hên pá puât. Kố cho mâu ngế vâi hdrêng ki mơ-eăm tơkâ hluâ pá puât hriâm tâp rơkê, teăng mâ ăm vâi hdrêng lâp tơnêi têa ‘na tơdroăng mơ-eăm tơkâ hluâ pá puât, rơkê kơhnâ tung hriâm tâp, cho kuăn muăn loi nguăn, hok tro rơkê, muăn ki loi nguăn Pôa Hồ. Pơtroh rơkong rơkâu mo châ troh mâu vâi muăn, vâi cháu, pôa Trần Đại Quang mơnhên tối, tơnêi têa đi đo ai troăng hơlâ kum rêh ối pơlê pơla, kum mâu ngế ai tơdroăng rêh ối pá puât, ki má lối cho vâi hdrêng, cho khôi túa le\m tro dêi hdroâng mơngế pin. Tơdrêng amê cho troăng hơlâ pơkâ dêi Đảng dêi Tơnêi têa. Ki rơhêng vâ tối, tung mâu hơnăm hiăng hluâ, mâu khu râ, kơvâ cheăng hiăng po rơdâ pêi pro kơtăng mâu troăng hơlâ dêi Đảng, dêi Tơnêi têa ‘na vâi hdrêng, tơdroăng rak ngăn [a\ hnê hriâm vâi hdrêng, tung mê, ai vâi hdrêng ki rêh ối trâm hên pá puât, hiăng châ pêi pro châ tơ-[rê hên.

A Sa Ly tơplôu [a\ tơbleăng