VOV4.Sêdang - Pơtối ối pôu pêi cheăng râ tơnêi têa troh a kong têa Ko\ng hoa Singapore, kơxo lơ 30 khế 8, pôa Trần Đại Quang, Kăn xiâm hnê ngăn tơnêi têa hiăng troh [ă ai [ai pơchuât ki kal a kong têa Singapore Lecture roh má 38 [ă pơxá inâi ‘’Tơru\m, veăng tơchuâm hiâm mơno pêi pro, rơtế xông tơtêk krá tơniăn’’ xua Tíu xiâm hriăn ple\ng ‘na Đông Nam Á, dó inâi ISEAS tơkuăm po. Kố cho roh hôp ki kal xiâm dêi Singapore, ai troh 550 ngế ki rơkê má môi [ă hên mâu kăn pơkuâ xiâm ‘na tơdroăng cheăng kal kí dêi Singapore. Xông tơpui a roh hôp kố, pôa Trần Đại Quang tối nhên, Châu Á-Thái Bình Dương, tung mê ai Đông Nam Á, pơtối cho môi tíu xiâm ki chiâng pêi pro hên tơdroăng cheăng, ai tơnêi tơníu ki tơniăn vâ mơnhông cheăng kâ a la ngiâ, tơdroăng pêi cheăng kâ xuân tơtro, cheăng kal kí rế hía rế cho hnoăng cheăng xiâm tung lâp plâi tơnêi.

Kăn xiâm hnê ngăn xông tơpui

          Mâu tơdroăng ki dế kho pơla achê kố tung kơpong [ă a kơpong Biển Đông, hiăng [ă dế tơdjâk ó troh tơnêi tíu a kơpong, malối cho pro tơ’lê hlâu, kring vế tơniăn ăm mâu plong tuk prôk a tơdế têa kơx^, troăng tơ-[ai kơneăng a hbo plêng, mơni tơ’lêi ai tơdroăng ki tơdjâk troh tơdroăng pêi cheăng tơru\m tung kơpong. Kăn xiâm hnê ngăn tối ăm ‘nâi, troăng prôk ki vâ tah lôi mâu tơdroăng ki ối tơvâ, ối xơpá mê cho athế mâu kong têa tơru\m cheăng dêi pó, veăng ‘no ivá mơno, thăm tơru\m tiô luât xiâm lâp plâi tơnêi hiăng pơkâ, tơdâng tơ’mô, rơtế ai pơxúa. Kăn xiâm hnê ngăn tơnêi têa tối mơnhên, Việt Nam ai hiâm mơno ki krá tơniăn tá ah, mê cho kho\m pêi pro tro, kơhnâ mơ-eăm vâ tơplâ mơdât tơdroăng pro ‘mêi, kring vế tơniăn dêi tơnêi têa, ai hnoăng pơkuâ ngăn dêi tơnêi têa, ru\m môi tuăn, châ pơkuâ tơniăn dêi tơnêi têa; tơleăng mơnhên mâu tơdroăng ki tơbriât athế ai tá tơdroăng ki hơniâp le\m tiô luât xiâm dêi lâp plâi tơnêi.

Nhat Lisa tơplôu [ă tơbleăng