VOV4.Sêdang - Vâ hbrâ ví khía mơhot kân roh má 10, hâi lơ 2/11, khu hnê mơhno tíu xiâm Tơnêi têa hbrâ ví xía vâ kong prâi pro ôh tá tơniăn hiăng hôp hnê mơhno tơpui ‘na troăng hơlâ hbrâ ví xía vâ khía mơhot kân mot a tơnêi tung pơlê kong kân Đà Nẵng troh Phú Yên, pro kong chiâng rơdâm, pôa Trịnh Đình Dũng, Ngế pro xiâm pho\ hnê ngăn Chin phuh, Ngế xiâm pơkuâ hnê mơhno ‘na hbrâ ví xía vâ kong prâi pro ôh tá tơniăn thế mâu kong pơlê hbrâ mâu tơdroăng djâ kuăn pơlê ki ối a kơpong klong k^ng têa kroăng, têa kơx^, kơpong tơnêi tơnêi tơhnâp, têa lu trâu, lơ klâ krê, djâ vâi lăm ối a tíu tơniăn. Hlối séa ngăn mâu long, rơchôa hngêi kơmăi on tơhrik, mơ’no têa lu; rak tơniăn rơchôa drêng mơ’no têa, malối drêng mơ’no têa tơdrêng vâ tơniăn ăm mâu ki ối pá xôp.

Hbrâ mâu ngế, tơmeăm, rơxế, mâu tơmeăm pêi vâ hbrâ tơku\m drêng ai tơdroăng xía vâ. Ngế pro xiâm pho\ hnê ngăn Chinh phuh thế mâu kong pơlê pơtối gak plâ hâi măng, tơku\m tí tăng ‘nâi mâu tơdroăng vâ teăm tơbleăng tơdrêng ăm mâu ki tơ’lei tro tơdjâk xua khía mơhot kân vâ plong mot.

Gương tơplôu [ă tơbleăng