VOV4.Sêdang - Kơxo lơ 14 khế 9, pôa Trịnh Đình Dũng, Ngế pro xiâm pho\ hnê ngăn tơnêi têa pơkâ thế Vi [an hnê ngăn kong pơlê Quảng Nam hnê mơhno tơring Nam Giang [ă mâu tíu cheăng ki ai tơdjâk troh séa ngăn tơdrêng, mơnhên ‘na ki tro tơ’nhê a hngêi kơmăi on tơhrik Sông Bung 2, malối tơdroăng xía vâ ‘na mơngế. Ngế pro xiâm pho\ hnê ngăn tơnêi têa pơkâ thế mơhnhôk mâu khu dêi kong pơlê, khu ‘no liăn cheăng [ă mâu khu ki xo dêi hnoăng cheăng mơjiâng pro tơkuăm ivá vâ tí tăng, to\ng xo mâu ngế ki hía [ă mâu ngế ki ôh tá chiâng châ tơpui [ă phôn. Ngế pro xiâm pho\ hnê ngăn tơnêi têa pơcháu ăm Khu xiâm ngăn kơmăi kơmok [ă tê mơdró pơkuâ po, tơru\m [ă Khu xiâm mơjiâng pro kế tơmeăm, Vi [an hnê ngăn kong pơlê Quảng Nam [ă mâu kơ koan ki ai tơdjâk troh tơkuăm mơnhên xiâm kối khoh chiâng ai tơdroăng tiô pơkâ, mơnhên hnoăng cheăng pôu râng dêi mâu ngế phá, mâu tíu cheăng ki tơdjâk troh.

          Hdrối mê, kơxêi lơ 13 khế 9, a hngêi kơmăi on tơhrik Bung 2, tơring Nam Giang, kong pơlê Quảng Nam hiăng ai tơdroăng xía vâ têa plé mot tung klôh ki mơ’no têa mơhiu 2 ngế ko\ng nhân ki dế mơ’no têa peăng hdroh, pro têa lân, hnối pro hên kuăn pơlê chiâng oh tá ai troăng prôk, mơhiu hên kế tơmeăm dêi hngêi kơmăi. Tiô tơdroăng ăm ‘nâi ing khu tí tăng ‘nâi ple\ng, troh a 10 chôu kơxo 14 khế 9,  vâi xiâm châ hlo 11 ngế dêi cheăm La Ê [ă cheăm Zuôi dế ối tung kong.

A Sa Ly prế Katarina Nga tơplôu [ă tơbleăng