VOV4.Sêdang - Kơxo lơ 27 khế 4, pôa Trịnh Đình Dũng, Ngế pro xiâm pho\ hnê ngăn tơnêi ai rôh lăm séa ngăn a kơpong ki pêt báu rơnó xeăng tô [ă xeăng têa a cheăm Ninh Hòa [ă hnối séa ngăn tơdroăng ki kong tô mơdrăng, têa xăng po lân mot a cheăm Ninh Quới, Hồng Dân, Bạc Liêu.

      Pêi cheăng [ă kăn pơkuâ kong pơlê Bạc Liêu, Ngế pro xiâm pho\ hnê ngăn tơnêi têa mơnhên tối khât tơdroăng ki mơ-eăm dêi kong pơlê tung hnoăng cheăng ‘mâi mơnhông mâu tơdroăng ki kong tô mơdrăng [ă ki têa xăng po lân mot, rak tơniăn mơnhông mơdêk cheăng kâ tung rơnó tô. Ngế pro xiâm pho\ hnê ngăn tơnêi têa hnê mơhno ăm kong pơlê Bạc Liêu kal pơtối hơ’lêh tơdroăng rêh ối dêi kuăn pơlê, tơku\m tăng túa vâ rak tơniăn ăm tơdroăng ki rơhêng vâ kum ăm vâi krâ nho\ng o. Tối tơbleăng ăm Ngế pro xiâm pho\ hnê ngăn tơnêi, kăn pơkuâ kong pơlê Bạc Liêu ăm ‘nâi, tâi tâng [ăng klâng báu hiăng tro lu\p xua kong tô mơdrăng [ă têa xăng po lân mot lối 14 rơpâu 500 ha, lu\p tiô riân lối 161 rơtal liăn. Tâi tâng [ăng tơnêi ki păn kơxo\ng tro lu\p troh nôkố ai lối 7 rơpâu 800 ha. Ki xiâm dêi tơdroăng ki tro lu\p kố châ mơnhên cho xua kong tô ó [ă mâu tơdroăng tơdjâk dêi kong prâi hiăng tơdjâk troh ivá kâi trâng dêi xi xo\ng. Kơxê tung hâi ki mê, Ngế pro xiâm pho\ hnê ngăn tơnêi têa séa ngăn hnoăng cheăng hbrâ ví kong tô mơdrăng [ă têa xăng po lân mot a tơring Trần Đề, kong pơlê Sóc Trăng. Kơxo lơ 28 khế 4, Ngế pro xiâm pho\ hnê ngăn tơnêi têa kô pơkuâ po hneăng hôp tơpui tơno ‘na tơdroăng cheăng kố a Tíu xiâm po hneăng hôp kong pơlê Sóc Trăng.

Katarina Nga tơplôu [ă tơbleăng