VOV4.Sêdang - Kơxê lơ 31 khế 5, klêi kơ’nâi mơgêi mâu tơdroăng cheăng a kong têa Nhuk, pôa Trịnh Đình Dũng, Ngế pro xiâm pho\ hnê ngăn rơtế [ă mâu kăn xiâm dêi Chin phuh Việt Nam hiăng lo prôk troh a kong têa Malaysia veăng Hôp ‘na cheăng kâ lâp lâi tơnêi WEF-ASEAN.

Hneăng hôp cheăng kâ lâp plâi tơnêi WEF-ASEAN po tung pơla mâu kong têa cheăng kâ kơpong ASEAN dế châ mơnhông mơdêk, tơru\m cheăng kâ tung kơpong rế hía rơdêi trâu hơngế. Hneăng hôp cheăng kâ lâp plâi tơnêi-WEF hiăng séa mơnhên ngăn hnoăng cheăng, ivá cheăng [ă mot tơru\m cheăng tung kơpong dêi ASEAN, tung mê ăm ‘nâi, mâu kong têa tung ASEAN ki dế mơnhông tơtêk kô chiâng khu ki ai ivá rơdêi vâ pêi lo hên kế tơmeăm, liăn ngân. WEF-ASEAN hơnăm 2016 dó inâi ‘’Mơnhên tối tơdroăng hôp, tơpui tơno dêi ASEAN ‘na rế pêi lo hên kế tơmeăm, liăn ngân tung rêm kơvâ cheăng’’, tung mê, ai tơku\m tơpui tối ‘na mâu tơdroăng: Thăm mơnhông mơdêk krá tơniăn [ă pêi rêm kơvâ cheăng pơlê pơla; pro xiâm dêi hnoăng cheăng ki hơ’lêh kân nếo ‘na pêi cheăng kơmăi kơmok roh má 4; thăm mơnhông tơru\m cheăng tung kơpong.

Nhat Lisa tơplôu [ă tơbleăng