VOV4.Sêdang - Pôa Trương Hoà Bình, Ngế pro xiâm pho\ hnê ngăn tơnêi têa, Kăn pơkuâ hnê mơhno tơnêi têa ‘na plâ mơdât mâu ki tê mơdró kâ liu, ôh tá tơdrăng tung tê mơdró [ă kế tơmeăm ôh tá le\m, tá xê khât (ki vâi tối cho khu hnê mơhno kơxo# 389) hiăng ai rôh pêi cheăng [ă khu kăn hnê mơhno kơxo# 389, kơxêi lơ 31 khế 6 a Hà Nội.

Pôa Trương Hoà Bình tối: Tơdroăng tê mơdró kâ liu [ă ôh tá tơdrăng tung tê mơdró, tê kế tơmeăm ôh tá ‘nhó le\m, tá xê khât ối hlo ai rơ-iô păng ‘nâng. Tung tơdroăng pơxâu phâk mâu ki pro xôi ối hlo hơ-ui, ối kơtôa, ôh tá vâi pro kơtăng, mâu tơdroăng pơxâu phak xôi môi tiah pro hrá, pro chiâng ai tơdroăng tơpui ‘mêi tung kuăn pơlê. Xua mê, Ngế pro xiâm pho\ hnê ngăn tơnêi têa pơkâ thế: Thăm mơnhông mơdêk tơdroăng cheăng séa ngăn, hnoăng cheăng pê, lăm séa ngăn tơdroăng pơcháu cheăng vâ pêi a mâu tíu vâ châ ‘nâi [ă hbrâ mơdât tơdroăng ki ‘mêi, ôh tá tơdrăng, hơ’lêh mâu ngế pơkuâ cheăng a mâu kơ koan, tíu pêi cheăng ki lơ kơtôa, lơ ai ngế tê mơdró kâ liu, ôh tá tơdrăng tung tê mơdró [ă tê kế tơmeăm ôh tá le\m, tá xê khât, ôh tá vâ pêi pro tro tiô pơkâ, thế pôi tá ai tơdroăng ki mơdât ‘na tơdroăng kố. Tâng ai pro xôi dâng lâi thế pơxâu phâk troh dâng mê. Thế rơtế pêi tơdroăng kố [ă tơdroăng pơkâ dêi tíu xiâm tơnêi têa má 4, đi đo mơdêk hnoăng cheăng séa ngăn tối tơdroăng ki tơná hâi pêi pro tro.

Gương tơplôu [ă tơbleăng