VOV4.Sêdang - Pôa Trương Tấn Sang, Kăn xiâm hnê ngăn tơnêi têa [ă kơdrâi pôa kô lăm pôu tơnêi têa Tanzania, Mozambique [ă Iran sap hâi lơ 9 troh lơ 15 khế 3 hơnăm 2016. Tung rôh lăm pôu khu kăn tơnêi têa troh Tanzania, pôa Trương Tấn Sang, Kăn xiâm hnê ngăn tơnêi têa [ă pôa John Magufuli, Kăn xiâm pơkuâ kong têa kô tơpui mâu troăng hơlâ ki pơxúa  [ă nhên khât vâ mơdêk tơru\m cheăng tiah hmâ [ă tơru\m hên tơdroăng cheăng pơla Việt Nam [ă Tanzania, thăm mơnhông tơru\m cheăng pơla péa pâ tung hên kơvâ cheăng, malối tung mâu tơdroăng cheăng tê mơdró, pêi chiâk deăng, mơjiâng pro tơmeăm khoăng, pro troăng hyôh phôn, tơ’mot tơmối mot ôm hyô [ă hên tơdroăng ki ê. Hneăng lăm pôu dêi pôa Trương Tấn Sang troh a kong têa Mozambique rôh kố cho vâ mơnhên tơru\m cheăng tiah hmâ tung hên tơdroăng pơla péa tơnêi têa. Pôa Trương Tấn Sang kô rơtế [ă pôa Filipe Jacinto Nyusi, Kăn xiâm pơkuâ ngăn kong têa Mozambique tơpui tơno mâu troăng hơlâ nhên khât vâ mơdêk tơru\m cheăng pơla péa pâ, malối cho ‘na tơdroăng pêi chiâk deăng, troăng hyôh internet, têa châu têa kơxăng, ‘na kơdroh hrâ mơnguâ kơtiê. A kong têa Iran pôa Trương Tấn Sang prế pôa Hassan Rouhani, Kăn xiâm pơkuâ kong têa kố tơpui tơno ‘na mâu troăng hơlâ mơnhông mơdêk tơru\m cheăng tê mơdró pơla péa pâ, malối tung mâu tơdroăng cheăng kâ ki kal môi tiah ‘na liăn ngân, hngêi rak liăn, ‘na têa châu têa kơxăng.

Gương tơplôu [ă tơbleăng