VOV4.Sêdang - Hâi hnah, lơ 1 khế 3, pôa Trương Tấn Sang, Kăn xiâm hnê ngăn tơnêi têa pin djâ troăng khu kăn tơnêi têa hiăng lăm pôu, pêi cheăng a Hải Phòng vâ mơnhên ngăn tơdroăng tơ’mot khu mơdró kâ ‘no liăn pêi cheăng, mơnhông mơdêk kơpong hngêi pêi cheăng [ă kơmăi, kơpong cheăng kâ ki xiâm peăng mâ hâi lo pá kơnho\ng tơnêi têa.

Kăn xiâm hnê ngăn tơnêi têa hiăng lăm pôu ngăn tơdroăng ki tơkêa bro dêi Ko\ng ti LG Electronics Việt Nam-Hải Phòng, môi tung mâu tơdroăng tơkêa bro ki kân, ai tâi tâng kơxo# liăn ki tơkêa pêi cheăng kâ châ 1 rơtal 500 rơtuh dollar. Tung hơnăm 2015, mâu kơpong pêi cheăng kơmăi [ă kơpong pêi cheăng kâ xiâm dêi Hải Phòng hiăng ai 41 tơdroăng tơkêa bro dêi kong têa ê ‘no liăn kum cheăng, tiah mê, tâi tâng tơdroăng tơkêa bro ki kum cheăng kâ a pơlê kong kân kố tâk troh 202 tơdroăng, tâi tâng kơxo# liăn ki ‘no cheăng kâ vâ chê 8 rơtal dollar; [ăng hên tơdroăng tơkêa bro ki kân, cheăng kơmăi kơmok ki rơkê ó. Pêi cheăng [ă khu kăn xiâm dêi pơlê kong kân ‘na tơdroăng mơnhông mơdêk pêi cheăng kâ, rêh ối pơlê pơla, kring vế tơniăn tơdroăng rêh ối pơlê pơla, Kăn xiâm hnê ngăn tơnêi têa pơkâ thế Hải Phòng pơtối mơnhông mơdêk ‘na cheăng kâ ki hiăng tơ’lêi hlâu, [ă cho tíu ki ối kơpong ki kal xiâm dêi peăng kơnho\ng vâ khoh kâi châ mơnhông mơdêk re\ng tâ, hbrâ tơnáu tro tâ tung tơru\m cheăng kâ hên [ă kong têa vâi ê tiah dế nôkố. Kăn xiâm hnê ngăn tơnêi têa xuân hiăng pơkâ thế, Hải Phòng [ă hnoăng cheăng dêi tơná kal athế hbrâ tơnáu tung pâ phêp tơnêi têa ‘na túa pêi cheăng kâ, troăng hơlâ tung ‘no liăn cheăng kal châ thăm pơtối mơnhông mơdêk, ti xê bu kum ăm to Hải Phòng, mê ối kum ăm tâi tâng lâp tơnêi têa.

Nhat Lisa tơplôu [a\ tơbleăng