VOV4.Sêdang -  Hâi hnah, lơ 28 khế 3, a Tíu pêi cheăng Kăn xiâm, pôa Trương Tấn Sang, Kăn xiâm hnê ngăn tơnêi têa hiăng tơdah pôa Somsavat Lengsavad, Ngế pro xiâm hnê ngăn kong têa Lếo dế ai roh lăm pôu pêi cheăng a Việt Nam. A roh tơdah, pôa Trương Tấn Sang kheăn kơdeăn mâu tơdroăng châ tơ-[rê tung mơnhông cheăng kâ rêh ối pơlê pơla dêi kong têa Lếo tung pơla kố nah. Tơdrêng amê tối rơdêi tơdroăng tơru\m cheăng tơpui kâ pơla péa tơnêi têa tung pơla kố nah ai tơdroăng veăng kum dêi Ngế pro xiâm pho\ hnê ngăn kong têa Lếo. Pôa Trương Tấn Sang pơkâ thế klêi kơ’nâi séa ngăn, mơnhên, mâu Khu xiâm péa tơnêi têa kô ai mâu tơdroăng ki nhên vâ thăm mơnhông tơtêk tung tơru\m cheăng, tung mê ai mâu tơdroăng kal, tơdroăng k^ tơkêa pơla râ kăn xiâm, pêi pro châ tơ-[rê mâu tơdroăng hnê mơhno dêi khu kăn pơkuâ péa Đảng tung tơdroăng rêh ối. ‘Na tơru\m cheăng tê mơdró pơla péa pâ,  Ngế pro xiâm hnê ngăn kong têa Lếo hnê mơhno khu tê mơdró Việt Nam mơ’no liăn cheăng a kong têa Lếo ki dế trâm pá puât, xua yă kế tơmeăm khoăng ôh tá tơniăn; môi tuăn tơpui tơno pơla khu kăn pơkuâ péa Chin phuh vâ ai troăng teăm tơleăng mâu tơdroăng pá puât ăm khu tê mơdró.

A Sa Ly tơplôu [a\ tơbleăng