VOV4.Sêdang - Kơxo lơ 17 khế 6, a Tíu pêi cheăng Kăn xiâm hnê ngăn tơnêi têa, pôa Trương Tấn Sang, kăn xiâm hnê ngăn tơnêi têa trâm khu chêh hla tơbeăng teăng mâ mâu kơ koan tho\ng ta#n chêh hla tơbeăng, khu chêh hlá tơbeăng hơnăm hiăng krâ drêng tơbâ 90 hơnăm Hâi chêh hla tơbeăng kăch măng Việt Nam lơ 21 khế 6. A rôh trâm mâ, pôa Trương Tấn Sang tối rơdêi, tung tơdroăng mơjiâng [ă mơnhông mơdêk tơnêi têa, mâu ngế ki chêh hla tơbeăng kăch măng đi đo prôk hdrối, séa ngăn veăng kum mơheăm chhá, khên tơnôu rêm hâi, rêm tíu vâ re#ng tối tơbleăng, tơdrăng khât mau tơdroăng kal, mâu rôh mơnhông mơdêk dêi tơnêi têa. Poâ Trương Tấn Sang tối rơdêi: Hnoăng cheăng dêi mâu vâi pú chêh hlá tơbeăng kăch măng. Mâu vâi pú ki chêh hlá tơbeăng cho khu lêng tung măt tra#n kố. Tung pơla pơlê pơla môi tiah tro rôih hnâp, pin kal ai tơdroăng ki séa ngăn kơhnâ khât ing peăng Tơnêi têa. Vâ tối, gá hiăng phá tơ-ê hên [ă hdrối nah, tơru\m cheăng, hơ’lêh lâp plâi tơnêi, tối tơbleăng hên ‘na tơdroăng kal, tung măng ineternet. Peăng pơlê pơla mê hnoăng ki châ tơ-[rê hên, la u ối mâu tơdroăng ki hâi pêi pro klêi xuân ối hên, mê hnoăng cheăng dêi khu chêh hlá tơbeăng athế tối tơbleăng, mơ-eăm tơplâ mơdât [ă tơdroăng ki ôh tá tro. Hnối mơjiâng tuăn hiâm loi tơngah tung kuăn pơlê, tung đảng viên ‘na tơdroăng dêi tơnêi têa. Athế mơ-eăm pêi pro tơdroăng cheăng kố.

Katarina Nga tơplôu