VOV4.Sêdang - Kơxê lơ 2/8, a tíu pêi cheăng Chin phuh, pôa Vũ Đức Đam, Ngế pro xiâm phŏ hnê ngăn tơnêi têa, Ngế xiâm pơkuâ hnê mơhno dêi tơnêi têa ‘na hbrâ mơdât pơreăng COVID-19 pơkuâ hneăng hôp mơ’no tơdrêng tung hyôh internet ƀă kăn khu kăn Pơlê kong kân Hồ Chí Minh vâ tơbleăng mâu troăng rơhlâ hbrâ mơdât pơreăng COVID-19. Tối tơbleăng a rôh hôp, pôa Nguyễn Thành Phong, Kăn xiâm hnê ngăn Vi ƀan pơlê kong kân Hồ Chí Minh hiăng pơkâ pêi pro tiô pơkâ 16 dêi Ngế pro xiâm hnê ngăn Chin phuh tiô troăng rơhlâ  “Nhên- kơtăng- Krá- Tơƀrê” tơniăn pêi tơdrêng tung kong pơlê, pơkâ nhên 7 khu ngế chiâng phêp lo prôk drô troăng sap 18h troh 6h kơxo hâi kơ’nâi.

A rôh hôp, pôa Vũ Đức Đam thế Khu xiâm ngăn pơkeăng pơtối pơtroh vaccine ăm Pơlê kong kân Hồ Chí Minh vâ ôh tá ai tơdroăng ki pơtê pâk. Ngế pro xiâm phŏ hnê ngăn tơnêi têa thế Pơlê kong kân Hồ Chí Minh pơkâ kơtăng tâ nếo vâ rak tơniăn kơpong ki dế tơniăn hâi tâ pơreăng, pơtroh rĕng kơpong ki tơ’lêi tâ pơreăng pro chiâng kơpong ki tơniăn a mâu pơlê krâm, tơring. Khu hnê mơhno tối nhên tơdroăng pâk vaccine cho hnoăng ki pơxúa ƀă hnoăng thế pêi pro dêi rêm ngế ƀă ivá tơná ƀă kuăn pơlê.

Gương tơplôu ƀă tơbleăng