VOV4.Sêdang -  Pôa Vũ Đức Đam, Ngế pro xiâm hnê ngăn Chin phuh, Ngế xiâm hnê mơhno dêi Tơnêi têa ‘na plâ mơdât COVID-19 pơkuâ hneăng hôp pêi cheăng tơdrêng tung um tiô troăng hyôh internet ‘na tơdroăng cheăng ki kal dêi Chin phuh, tơpui tơdrêng ƀă kăn xiâm Pơlê kong kân Hồ Chí Minh  ‘na tơdroăng tơplâ mơdât pơreăng. Mơnê hlo tơdroăng ki mơ-eăm dêi pơlê kong kân Hồ Chí Minh, pôa Vũ Đức Đam tối nhên, pơlê kong kân pơtối ai tơ’nôm tíu pơlât mâu ngế tâ COVID-19 ki râ, pơtối kơdroh kơxô̆ mơngế ki hlâ.

Krê ƀă mâu Shiper, mơngế pơcháu tơmeăm dế trâm hên tơdroăng pá, thăm nếo ai ngế mung liăn dêi hngêi rak liăn vâ rôe rơxế to, pơlê kong kân kal thế pơkâ luât mung liăn kum mâu ngế pêi cheăng ‘na tơdroăng mê. Tơdjâk troh  khu ki Shiper trâm pá tung tơdroăng mung liăn môi tiah pôa Vũ Đức Đam tối, pơlê kong kân tơhrâ pêi pro tro tiô tơdroăng tối dêi pôa Vũ Đức Đam Ngế pro xiâm hnê ngăn tơnêi têa, ki hdrối kô séa ngăn kơdroh chĕn ăm mâu ngế ki Shiper ƀă mâu kế tơmeăm.

Gương tơplôu ƀă tơbleăng