VOV4.Sêdang - Hâi lơ 28/7, pôa Vũ Đức Đam, Ngế pro xiâm phŏ hnê ngăn tơnêi têa hiăng lăm séa ngăn tơdroăng hbrâ mơdât COVID 19 a kong pơlê Long An. Pôa Vũ Đức Đam ƀă khu râ kăn xiâm hiăng troh séa ngăn, lăm pôu ƀă mơhnhôk hiâm mơno dêi khu kăn ƀô̆, mâu ngế pêi cheăng ‘na khăm pơlât dế pêi cheăng a Hngêi pơkeăng pơtân kơxô̆ 2 – tơring Tân Trụ, Hngêi pơkeăng pơtân a Hngêi trung kal kí Long An ƀă mâu tíu khăm pơlât tung kong pơlê Long An.

Pôa Vũ Đức Đam, Ngế pro xiâm phŏ hnê ngăn tơnêi têa séa ngăn tơdroăng hbrâ mơdât pơreăng COVID 19 a Long An

Tiô tơbleăng, kong pơlê Long An ai 16 tíu pêi pro hnoăng klâ kơtăn, pơlât mâu ngế F0 ƀă tâi tâng 5.070 xoăng koi pơlât. Vâ rĕng mơdât pơreăng tung pơla rĕng má môi, sap ing hâi lơ 27/7, Long An pơkâ kuăn pơlê kơdroh lo pa gong. Tung la ngiâ, Long An pơtối pêi pro kơtăng, tŭm mâu troăng pêi pro Pơkâ 16 dêi Ngế pro xiâm hnê ngăn Chin phuh.

A Sa Ly tơplôu ƀă tơbleăng