VOV4.Sêdang - Sap ing hâi lơ 8 troh lơ 10 khế 6 hơnăm 2016, a tíu pêi cheăng Khu lâp kong têa a New York, Mih, Hneăng hôp khu râ kăn xiâm dêi Khu lâp kong têa ‘na hbrâ mơdât HIV/AIDS. Khu kăn Việt Nam xua pôa Vũ Đức Đam, Ngế pro xiâm pho\ hnê ngăn tơnêi têa pơkuâ djâ khu kăn hiăng veăng hôp a hneăng hôp.

Xông tơpui a rôh po hneăng hôp, pôa Vũ Đức Đam hiăng tối rơdêi hnoăng cheăng hbrâ mơdât HIV/AIDS cho môi tung mâu tơdroăng ki kơjo a poăng dêi Chin phuh Việt Nam, [ă kơnôm ivá mơeăm tơdjuôm, troh nôkố pơreăng HIV/AIDS a Việt Nam rế hía rế châ mơdât. Chin phuh Việt Nam tơhrâ veăng tơdjuom ivá [ă mâu kong têa tung lâp plâi tơnêi hbrâ mơdât HIV cho túa virus AIDS. Ngế pro xiâm pho\ hnê ngăn tơnêi têa tối rơdêi Việt Nam cho tơnêi têa châu Á-Thái Bình Dương ki apoăng pêi pro tơdroăng pơkâ 90-90-90 dêi Khu lâp kong têa. Ngế pro xiâm hnê ngăn tơnêi têa tối tiah kố, mâu kong têa tung lâp plâi tơnêi kal tơhrâ a kơlo ki kân má môi vâ pôi tá ton tá ro\ng klêi kơ’nâi tung rôh hbrâ mơdât túa ki pơreăng kố.

Katarina Nga tơplôu [ă tơbleăng