VOV4.Sedang - Kơxo hnah, lơ 27 khế 10, a tíu pêi cheăng dêi Chin phuh, pôa Vũ Văn Ninh, Ngế pro xiâm pho\ hnê ngăn, Kăn xiâm hnê mơhno ‘na mơjiâng thôn pơlê rêh ối-cheăng kâ tiô túa nếo pơkuâ xiâm roh hôp khu kăn hnê mơhno ‘na ‘mâi hơ’lêh túa ki vâ khe#n kodeăn, veăng kum ăm cheăm kơtiê tung mơjiâng thôn pơlê rêh ối-cheăng kâ tiô tiô nếo. Mơhêi hneăng hôp, pôa Vũ Văn Ninh, Ngế pro xiâm pho\ hnê ngăn pâ thế, tơdroăng ki ‘mâi rơnêu, hơ’lêh ‘na troăng hơlâ, túa ki tơxâng vâ chiâng thôn pơlê rêh ối-cheăng kâ tiô túa nếo kô châ rak vế, pêi pro sap ing hơnăm 2016 tơngi ngiâ ah, la tiô luât ôh tá chiâng ju kơdroh hnoăng vâ pêi pro tung mơjiâng thôn pơlê rêh ối-cheăng kâ tiô túa nếo. Pôa Vũ Văn Ninh pơkâ thế Khu xiâm pơkuâ cheăng [ă ‘no liăn cheăng, Khu xiâm rak liăn ngân, Khu xiâm ngăn ‘na chiâk deăng [ă mơnhông mơdêk thôn pơlê nếo kal athế séa mơnhên ngăn vâ ‘mâi rơnêu thăm mâu hnoăng cheăng ki tơtro. To a hơnăm 2016, pôa Vũ Văn Ninh pơkâ thế kal tơku\m tăng rah mâu ngế ki rơkê vâ pơkuâ ngăn mâu cheăm kơtiê ki ối kơpong tíu tơkăng kong, chuăn têa kơx^, kơpong achê têa kơx^ tâk hên tâ nôkố ai 4 xôh. Ki rơhêng vâ tối, mâu khu râ, kơvâ cheăng athế mâu tơring, cheăm kal athế mơdât tơdroăng ki pơklât thế kuăn pơlê a kơpong kố rơlo liăn ngân tung mơjiâng thôn pơlê rêh ối-cheăng kâ tiô túa nếo, hơ’lêh amê, kal athế ai troăng hơlâ ‘no thăm tơ’nôm liăn ăm kuăn pơlê drêng veăng mơjiâng pro mâu tơmeăm khoăng ki mơjiâng thôn pơlê rêh ối-cheăng kâ tiô túa nếo.

Nhat Lisa tơplôu [ă tơbleăng