VOV4.Sêdang - Tiô rơkong krếo thế dêi Kăn xiâm hnê ngăn AIPA cho pôa Pehin Dato Abdul Rahman Taib, Kăn xiâm hnê ngăn Hô̆i đong mơjiâng luât kong têa Brunei Darussalam, Khu kăn Việt Nam xua pôa Vương Đình Huệ, Kăn xiâm hnê ngăn Kuô̆k hô̆i pơkuâ djâ mâu kăn veăng hôp a hneăng hôp kân Hô̆i đong AIPA roh má 42 (AIPA 42), tơdroăng hôp ‘no tiô troăng hyôh internet, châ tơkŭm po sap hâi lơ 23 troh 25/8 ƀă pơxá inâi “Mơnhông tơrŭm cheăng Kuô̆k hô̆i tung mâu tơdroăng cheăng ‘na kih thuât kơxô̆ tá tơdroăng tung kơpong kuăn pơlê ASEAN hơnăm 2025”.

Kố cho tơdroăng tơpui kâ hên troăng ki apoăng dêi  pôa Vương Đình Huệ, Kăn xiâm hnê ngăn Kuô̆k hô̆i a hneăng hôp Hô̆i đong AIPA 42, pơtroh tơdroăng hnê ‘na môi tơnêi têa Việt Nam ôh tá la lâi pơtê pơ’lêh nếo, Kuô̆k hô̆i Việt Nam hnoăng cheăng pêi, mơ-eăm khât ƀă ‘nâi hbrâ rơnáu tơrŭm ƀă  hên mâu kăn Kuô̆k hô̆i tung kơpong.

Gương tơplôu ƀă tơbleăng