VOV4.Sêdang - Kơxê lơ 25/8, Hneăng hôp Hô̆i đong Khu kăn Kuô̆k hô̆i mâu kong têa Đông Nam Á roh má 42 (AIPA - 42) hiăng klêi hôp, klêi 3 hâi hôp mơ’no tơdrêng tung um tiô troăng hyôh internet hôp tơdrêng, tơ-ƀrê. Khu kăn xiâm Kuô̆k hô̆i  Việt Nam xua pôa Vương Đình Huệ, Kăn xiâm hnê ngăn Kuô̆k hô̆i pơkuâ djâ khu kăn veăng hôp a tíu mơ’no hôp tơdrêng a Hà Nội.

A rôh mơgêi hôp, Kăn xiâm hnê ngăn AIPA, Kăn xiâm hnê ngăn Hô̆i đong Brunei pôa cho pôa Abdul Rahman Taib tối nhên, Hneăng hôp kân hiăng tối nhên ki kal dêi khu tơrŭm cheăng Kuô̆k hô̆i, malối cho mâu tơdroăng tơhrâ dêi AIPA tung mơjiâng khu ASEAN vâ mơjiâng tíu hơniâp lĕm, tơniăn tung kơpong.

Klêi mơgêi hôp leh pơcháu kăn xiâm hnê ngăn AIPA hơnăm 2022, Kul  hiăng xo hnoăng cheăng pro kăn xiâm hnê ngăn AIPA hơnăm 2022. Kăn xiâm hnê ngăn AIPA - 43 tơbleăng, Kuô̆k hô̆i Kul  kô  pơkuâ Hneăng hôp kân AIPA -43 sap ing lơ 12/9/2022. Laga, tung pơla ai pơreăng kân COVID-19 dế tâ tú rơ-iô tơdroăng tơkŭm po xuân hâi châ pơkâ.

Gương tơplôu ƀă tơbleăng