VOV4.Sêdang - Kơxê lơ 30/8, a hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i hôp tơpui tơno mơ’no tơdrêng tung um tiô troăng hyôh internet ƀă pôa Chuan Leekpai, Kăn xiâm hnê ngăn Kuô̆k hô̆i Siam. A rôh hôp tơpui tơno, péa ngế kăn Kuô̆k hô̆i xuân tối tiah kố, péa pâ đi đo pơtối rak vế mâu rôh trâm mâ pơla mâu kăn xiâm ƀă mâu kăn rêm râ, malối cho hôp tơpui tơno tơrŭm cheăng pơla péa pâ nôkố.

Pôa Vương Đình Huệ, Kăn xiâm hnê ngăn tơnêi têa hôp tơpui ƀă Kăn xiâm hnê ngăn Kuô̆k hô̆i Siam 

Pakĭng mê rĕng pê klêi ƀă kĭ pơkâ mâu tơdroăng pêi pro mơnhông tơrŭm cheăng kâ mơdêk pơla hơnăm 2021-2025; mơdêk rĕng tơdroăng hôp tơpui tơno, kĭ tơhrâ mâu hlá mơ-éa ki kal môi tiah Tơdroăng Tơhrâ djâ troăng, tơpui tơno kum dêi rơpó ‘na luât tung mâu tơdroăng cheăng lêng ƀă rêh ối. Tơdroăng tơrŭm pơla péa Kuô̆k hô̆i, Kăn xiâm hnê ngăn péa tơnêi têa xuân tối tiah kố, péa pâ kal mơdêk tơpui tơno tơrá mâu kăn xiâm mâu Vi ƀan, tơrŭm cheăng pơla mâu kơ koan xiâm dêi Kuô̆k hô̆i.

Péa Kuô̆k hô̆i tơrŭm cheăng khá khât tung mâu tơdroăng tơrŭm tung kơpong ƀă lâp plâi tơnêi; môi tuăn ƀă troăng rơhlâ dêi rơpó pơkâ tung kơpong ƀă lâp plâi tơnêi ki péa pâ rơtế vâ ’nâi plĕng.

Gương tơplôu ƀă tơbleăng