VOV4.Sêdang -Tiô tơdroăng hnê mơhno dêi Khu xiâm ngăn pơkeăng ƀă khăm pơlât, Kŏng ti Tơlo vaccine Việt Nam (VNVC) nếo pơcháu 1.113.400 rơtuh klŏng vaccine AstraZeneca ăm Viện Pasteur Pơlê kong kân Hồ Chí Minh vâ xing xoăng ăm mâu kong pơlê, pơlê kong kân peăng Hdroh, rĕng kum ăm tơdroăng ki pâk hbrâ mơdât pơreăng COVID-19 ăm kuăn pơlê. Rôh pơcháu lối 1,1 rơtuh klŏng vaccine kố ai pơxúa kal khât tung pơla ki ai pơreăng COVID-19 xông tâ tú ó, tơdroăng ki rơhêng vâ pâk vaccine tung kuăn pơlê gá hên, malối cho a mâu kơpong ki ai pơreăng môi tiah Pơlê kong kân Hồ Chí Minh, Bình Dương ƀă hên kong pơlê ki ê.

Tơdroăng ki pâk vaccine hbrâ mơdât pơreăng ki hbrâ rơnáu, châ pâk tung pơlê pơla kô rĕng kum ăm mâu kong pơlê peăng hdroh tối tơdjuôm, tung lâp tơnêi têa tối krê kơdroh ăm tơdroăng xơpá ăm khu ngăn pơkeăng, kơdroh tơdroăng ki hlâ ƀă hên ki ê.

Riân troh tâi hâi lơ 15/8 Việt Nam hiăng ai dang 21,5 rơtuh klŏng vaccine tŭm túa. Pơlê kong kân Hồ Chí Minh ƀă mâu kong pơlê hiăng pâk vâ chê 14,7 rơtuh klŏng vaccine COVID-19, tung mê, ai vâ chê 1,4 rơtuh ngế châ pâk tŭm 2 hdroh.

Katarina Nga tơplôu ƀă tơbleăng