VOV4.Xơ Đăng - Ngế xiâm pơkuâ ‘na pêi chiâk deăng ƀă mơnhông mơdêk thôn pơlê nếo tơbleăng Pơkâ Kăn hnê ngăn Vi ƀan mâu kong pơlê, pơlê kong kơdrâm ối tung Tơnêi têa tơkŭm po tơdroăng ‘’Têt pêt loăng troh tá ah pâ mơnê Pôa Hồ’’ klăng roh Hơngui Nhâm Dần ƀă thăm pêi tơdroăng gak ngăn, mơnhông pêt kong hơnăm 2022.

Pơtối mê, tơdroăng tơkŭm po mơhnhôk ‘’Têt pêt loăng’’ pơxúa, châ tơƀrê, ôh tá  mơhno  ăm vâi hlo a ngâ, tơniăn mâu pơkâ ‘na ‘’Kâi trâng tơniăn, ƀeăn ƀĕng, mơdât châ tơƀrê pơreăng COVID-19’’; pro tơ’lêi hlâu vâ mâu kơ koan, khu tơrŭm cheăng, đoân theh, hngêi trung hriâm, khu lêng ƀă rêm râ kuăn pơlê thăm veăng pêt loăng, pêt kong; mơ-eăm pơkâ pêt loăng ngiât hên tâ ki vâ iâ 20% tâng pơchông ƀă tơdroăng pêi pro hơnăm 2021 tiô pơkâ Khu xiâm pơkuâ ‘na pêi chiâk deăng ƀă mơnhông mơdêk thôn pơlê hiăng rah xo, tơbleăng Ngế pro xiâm hnê ngăn Chin phuh.

A Sa Ly tơplôu ƀă tơbleăng