VOV4.Sêdang - A tơdroăng “Kuăn pơlê êng – Pơlê kong kân tiâ” po a kong măng lơ 13/9, pôa Lê Hòa Bình, kăn phŏ hnê ngăn Vi ƀan Pơlê kong kân Hồ Chí Minh tơbleăng hên tơdroăng ki kal ‘na tiâ mơnhên ‘na mâu tơdroăng pơkâ rak tơniăn vâ pro pơhôi tơdroăng ki klâ ối krê pơlê pơla ƀă troăng hơlâ tŏng kum khu mơdró kâ ‘mâi mơnhông cheăng kâ, tê mơdró.

Klêi kơ’nâi hâi lơ 15/9, Pơlê kong kân Hồ Chí Minh po tíu lôu péa a mâu kong pơlê, tơring

Tiah mê, ƀă mâu tơdroăng pơkâ rak tơniăn vâ lôu péa nếo tơdroăng cheăng kâ, pôa Lê Hòa Bình ăm ‘nâi: Pơlê kong kân mơjiâng 8 khu  tơdroăng pơkâ ăm mâu kơvâ cheăng. Khu tơdroăng pơkâ kố kô klêi hdrối hâi lơ 16/9, klêi mê, tơbleăng tíu pro a pơlê krâm 7, tơring Củ Chi ƀă tơring Cần Giờ; tơmiât nhên po rơdâ tơ’nôm a Kơpong ki mơjiâng pro Tân Thuận ƀă Kơpong cheăng ƀă kơmăi kơmok chal nếo Pơlê kong kân Thủ Đức.

Tung pơla pro, tâng kơpong, tíu ki lâi pêi châ tiô pơkâ tơniăn mê xuân chiâng vâ pêi cheăng. ‘Na troăng hơlâ tŏng kum khu mơdró kâ, klêi kơ’nâi hâi lơ 15/9, Pơlê kong kân Hồ Chí Minh kô pêi cheăng ƀă Tôh pêi cheăng dêi Chin phuh vâ ai tơdroăng pâ thế tơtro.

Katarina Nga tơplôu ƀă tơbleăng