VOV4.Sêdang - Kơxo lơ 23 khế 2, a tíu kôh tơbâ Gia Định a tơring Củ Chi, khu râ kăn pơkuâ cheăng Đảng, Ho#i đông kuăn pơlê, Vi[an kuăn pơlê, Vi[an Măt tra#n tơnêi têa Việt Nam pơlê kong kân Hồ Chí Minh tơku\m trâm mâ tiu khôi hmâ dêi hnoăng cheăng kăch măng Sài Gòn-Chợ Lớn-Gia Định. A roh trâm mâ, poâ Lê Thanh Hải, Kăn pơkuâ hnê ngăn cheăng Đảng pơlê kong kân Hồ Chí Minh hiăng pâ khôi túa kăch măng châ [lêi trâng kân dêi hdrông kuăn ngo Việt Nam tơkâ hluâ 85 rơnó hơngui ai Đảng, tung mê, ai tơdroăng veăng to\ng kum kân k^n dêi kuăn pơlê Sài Gòn-Chợ Lớn-Gia Định.

Tung um: Pôa Phan Văn Khải, Ngế pro xiâm hnê ngăn tơnêi têa hneăng ahdrối prế Kăn pơkuâ hnê ngăn Đảng  pơlê kong kân Hồ Chí Minh trâm mâ mâu kăn ki veăng hôp.

Tung péa roh tơplâ xâ lêng kong têa ê, Sài Gòn-Chợ Lớn-Gia Định đi đo cho tíu xiâm dêi tơdroăng tơplâ kơchơ, cho tíu xiâm dêi tíu tơplâ peăng hdroh tơnêi têa, kum hên khât tung tơdroăng tơplâ pro tơlea\ng le#m peăng hdroh tơnêi têa, mơjiâng tơnêi têa chiâng môi. Pơtối mơnhông mơdêk khôi túa kăch măng dêi kuăn pơlê Sài Gòn-Chợ Lớn-Gia Định, mâu hnăm hiăng hluâ, khu râ kăn pơkuâ pơlê kong kân Hồ Chí Minh ối má môi tung mơjiâng, mơnhông mơdêk cheăng kâ, pêi tơtro tơdroăng rak ngăn tơdroăng rêh ối kuăn pơlê, rak vế tơniăn tơdroăng kal kí, tơniăn lâp pơlê pơla. Pơlê kong kân Hồ Chí Minh pơtối mơnhông mơdêk khôi túa le#m tro dêi kăch măng, tơchuôm ivá, đi đo mơnhông mơdêk vâ tơxâng cho pơlê kong kân inâi Poâ Hồ, pơlê kong kân khên tơnôu.

A Sa Ly tơplôu