VOV4.Sêdang - Cheăm Dak Wer, tơring Dak Rlâp, kong pơlê Dak Nông cho cheăm ki apoăng dêi kong pơlê Dak Nông hlo ai pơreăng châi klêa chu châu Phi xông tâ tú. Apoăng bu ai 14 to chu tro tâ pơreăng dêi môi rơpo\ng păn a thôn 6 tro tâ pơreăng, la troh nôkố, lâp cheăm hiăng ai lối 690 to chu tâ pơreăng [ă hiăng tâp kơđu, pơreăng dế tâ tú ôh tá tơniăn a kơpong kố.

Tung lối 2 khế hiăng luâ, khu kăn hnê ngăn Đảng, khu kăn pơkuâ cheăm Dak Wer hiăng tối tơbleăng kơhnâ khât, tơdâng tơ’mô mâu troăng hơlâ vê hdró kơpong ki ai pơreăng. Cheăm hiăng tơdah xo 120 lit trếo pơkeăng, 10 ta#n puâ, tơku\m xôh, choi a mâu rơpo\ng ki păn, mâu tíu troăng ki mot tung cheăm.

Tíu ki rêh ối tơdjuôm vâ mơdât pơreăng, xôh, mơdât hên tíu pơreăng a mâu péa ki mot lo tung cheăm. Vi [an hnê ngăn cheăm xuân dế mơdêk tối tơbleăng hnoăng cheăng tung loa vâ kuăn pơlê ‘nâi, malối cho mâu rơpo\ng ki păn chu pêi pro hnoăng cheăng ki xôh kơdê a kơdroăng, rông ki păn, re\ng tối tơbleăng drêng châ hlo chu tâ pơreăng, pôi tá vêh păn nếo, pôi tá chêh, siê, tê mơdró hơ’nêh mâm chu ki tâ pơreăng.

Katarina Nga tơplôu [ă tơbleăng