VOV4.Xơ Đăng - Kơxo lơ 31/12, hneăng hôp roh má 11 Khu chêh hlá tơbeăng Việt Nam  (hneăng hơnăm 2020-2025) pơxiâm po hneăng hôp. Lối 550 ngế kăn, teăng mâ ăm lối 27 rơpâu ngế khu chêh hlá tơbeăng dêi 63 khu chêh hlá tơbeăng kong pơlê, pơlê kong kân, 19 liên chi hô̆i ƀă lối 200 chi hô̆i troh veăng hôp. Hdrối mê, tung rôh hôp hbrâ rơnáu, Kăn xiâm hnê ngăn khu chêh hlá tơbeăng Việt Nam Lê Quốc Minh pâ thế mâu kăn pơtối rak vế ki môi tuăn dêi rơpó   mơdêk hnoăng cheăng pêi, râk tro luât tung tơpui tơno, tung tâ phĭu rah xo a hneăng hôp. Mâu tơdroăng chêh a hneăng hôp ƀă mâu tơdroăng cheăng pêi, troăng rơhlâ xua hneăng hôp pơkâ kô ai pơxúa khât veăng mơdêk tơdroăng chêh hlá tơbeăng kăch măng Việt Nam mơnhông tiô troăng nếo nôkố, rơkê, hlê plĕng, hbrâ rơnáu tung tơrŭm ƀă tơdroăng chêh hlá tơbeăng tung kơpong ƀă lâp plâi tơnêi, pơtối rah xo tơdroăng ki lê̆m vêa vong dêi lâp plâi tơnêi tơtrro ƀă khôi túa vêa vong dêi hdroâng kuăn ngo dêi mơngế Việt Nam

Gương tơplôu ƀă tơbleăng