VOV4.Xơ Đăng - Kơxo lơ 4/1, a hngêi Kuô̆k hô̆i, po hneăng hôp ôh tá xê tiah hmâ dêi Kuô̆k hô̆i hneăng 15 tiô tơdroăng mơ’no tơdrêng troh 62 tíu a mâu kong pơlê, pơlê kong kân. Hdrối chôu pơxiâm po, mâu kăn Kuôk hô̆i veăng hôp a mâu tíu mơ’no dêi Kuôk hô̆i pleăng hơvĭng reăng, mot a hngêi ‘măn poăng pôa Hồ Chí Minh. Tơbleăng a hâi pơxiâm po hneăng hôp, pôa Vương Đình Huệ, Kăn xiâm hnê ngăn Kuô̆k hô̆i hiăng pơkâ mâu tơdroăng hnê ki kal vâ mâu kăn Kuôk hô̆i tơkŭm tơpui tơno, mê cho: séa ngăn tơbleăng pơkâ ‘na luât tài khóa, liăn ngân vâ kum tơbleăng pêi tơdroăng ‘mâi mơnhông cheăng kâ - rêh ối, séa ngăn, tơbleăng Pơkâ ‘na troăng rơhlâ ‘no pêi tơdroăng tơkêa pro mơjiâng troăng kân rơxế kơtâu ing peăng Kơnhŏng troh peăng mâ hâi lo pơla hơnăm 2021-2025.

Hneăng hôp tơpui tơno

A rôh hôp mê, Kuôk hô̆i xuân séa ngăn, tơbleăng Tơdroăng tơkêa ‘mâi hơ’lêh, tơ’nôm mâu tơdroăng dêi luât ‘no liăn cheăng, luât ‘no liăn ‘mâi hơ’lêh, tơ’nôm mâu tơdroăng luât ‘no liăn mơjiâng tơmeăm khoăng tơnêi têa, luât ‘no liăn cheăng tiô khu tơrŭm mơjiâng tơmeăm khoăng tơnêi têa, Luât ‘no liăn cheăng, Luât tăng mâu khu mơjiâng pro tiô troăng rơhlâ tơtro, Luât ‘no tăng mâu khu mơjiâng tơmeăm khoăng, luât on tơhrik, Luât khu mơdró, luât pro hnoăng mơhá tê rôe tơmeăm ƀă Luât tơleăng tơdroăng xôi. Klêi po rôh hôp, Kuô̆k hô̆i  hiăng tơmâng Chin phuh tơbleăng  hlá mơ-éa dêi 3 tơdroăng chêh tung pơkâ  ƀă 1 tơdroăng tơkêa luât.

Gương tơplôu ƀă tơbleăng