VOV4.Sêdang - Hneăng hôp kân tung lâp tơnêi têa têa rôh má 12 dêi Đảng pơxiâm po a pơlê kong xiâm Hà Nội. Hvái Pêi pro mâu tơdroăng ‘na hâi hôp kân, mâu kăn [o#, đảng viên rơtế [ă mâu khu râ kuăn pơlê kơpong Tây Nguyên tối phá xêh, lâp tơnêi têa tối tơchuâm loi tơngah khât kô mâu tơdroăng pơkâ dêi hneăng hôp ki tơdjâk troh tơdroăng rêh ối, cheăng kâ dêi kuăn pơlê, troh tơdroăng xông rơdêi dế tơnêi têa, dêi kuăn pơlê tung pơla pêi pro tro tiô troăng hơ’lêh nếo [ă tơru\m tơrôa. Ngế chêh hlá tơbeăng dêi Rơ’jiu Việt Nam ai chêh tối mâu tơdroăng veăng hnê tối dêi kuăn pơlê pơtroh ăm hneăng hôp kân.

Hbrâ ‘na mâu ngế cheăng ăm Khu pơkuâ ngăn Tíu xiâm tơnêi têa hneăng má 12, pôa Nguyễn Phú Trọng, kăn xiâm pơkuâ hnê ngăn Đảng tơnêi têa tối rơdêi: Kho\m mơ-eăm pôi tá ăm mâu ngế ki ai mâu tơdroăng môi tiah: Tuăn hiâm ‘na tơdroăng kal kí ôh tá krá tơniăn, ôh tá ai troăng hơlâ pơkâ nhên tiô tuăn tơmiât dêi Đảng, hlo ai tơdroăng pro pơxúa ‘na tơdroăng kal kí, tối [ă pêi phá tơ-ê [ă troăng hơlâ dêi Đảng, rơhăm ‘na hnoăng pơkuâ, tí tăng lông, lơ kơtâu [ă liăn drêng vâ mot cheăng, mơhnhôk mâu ngế phá, tuăn hiâm ôh tá tơniăn, kơtoâ pơkí, pro pơxúa ăm dêi khu phá xêh [ă hên tơdroăng ki ê. Hên kăn [o#, đảng viên môi tuăn [ă túa tơmiât, pơkâ thế kho\m tah lôi khu ki ai hiâm mơno tiah mê [ă loi tơngah kô rah xo châ mâu ngế ki tơxâng mot cheăng tung khu pơkuâ ngăn Tíu xiâm tơnêi têa hneăng ki nếo vâ ai tuăn hiâm pôu râng dêi hnoăng cheăng, tơdroăng ki pơkuâ tơnêi têa tung pơla tơnêi têa tơru\m cheăng rế hía rế trâu hơngế [ă kong têa ê. Pôa Nguyễn Bá Mân, ối a tôh kơpho# 8, bêng Tân Lập, pơlê kong kơdrâm {uôn Ma Thuột, kong pơlê Dak Lak loi tơngah: Ngin loi tơngah tiah kố Hneăng hôp má 12 kô pôk mâu ngế ki mot cheăng tung Tíu xiâm tơnêi têa ai tu\m mâu tơdroăng pơkâ, rơkê ple\ng, pro ti lâi vâ pơkuâ tơnêi têa pin pơtối rế hơ’lêh nếo, pơtối mơdêk tâ nếo mâu tơdroăng ki châ tơ-[rê tung hơ’lêh nếo.

Pôa Nguyễn Văn Hóa, kăn pho\ pơkuâ ngăn Đảng bêng Tự An, pơlê kong kơdrâm {uôn Ma Thuột, kong pơlê Dak Lak tối: Á hlo tơdroăng ki rơhêng tơkôm má môi cho a khu kăn [o#, kăn [o# cho ki xiâm dêi tơdroăng cheăng môi tiah Pôa Hồ hiăng tối. Rơhêng vâ ti lâi Hneăng hôp má 12 tiô tơmiât dêi Đảng, tro hiâm tuăn kuăn pơlê cho pro ti lâi Rah xo châ mâu vâi pú ki ai tuăn rơkê ple\ng, ai tơdroăng rêh ối le#m tro, mơjiâng tơnêi têa pin rế hía rế mơnhông mơdêk xuân môi tiah tơru\m cheăng [ă kong têa ê rế hía rế ai hnoăng pơkuâ tâ.

Veăng a rôh hnê mâu kăn [o# ki vâ hbrâ mot pêi cheăng khu râ kăn xiâm, Pho\ yăo sư-Tie#n sih Nguyễn Trọng Phúc, Ối tung Hok vie#n Ch^nh tr^ Kuôk ya Hồ Chí Minh tối tiah kố: Mâu ngế kăn [o# ki pơkuâ tung khu pơkuâ ngăn Tíu xiâm Đảng, Khu xiâm pơkuâ tơdroăng kal kí [ă Khu pơkuâ ngăn Đảng kal ai tuăn hiâm khên tơnôu, rơkê ple\ng ‘na tuăn hiâm [ă l^ luăn krá tơniăn. Pho\ Yăo sư-Tie#n sih Nguyễn Trọng Phúc tối: Rơhăm ‘na hnoăng pơkuâ, mê ah pro pơxúa ăm dêi khu phá xêh, cho rôh ‘na tơdroăng ki pơloăng, mơni ko pro tơnêi têa trâm pá. Laga, ki má mơ’nui cho tơdroăng ki rah xo dêi Hneăng hôp pá gá vâ châ mot. Tung mơjiâng Đảng cho ki xiâm la tơdroăng ki xiâm mê dêi mơjiâng Đảng cho rah xo kăn [o#. Rôh kố tâng rah xo mâu kăn [o# ki tro rơkê, mê tơnêi têa kô mơnhông tơtêk. Tâng ôh tá châ rah xo mâu kăn [o# ki ôh tá tro tiô pơkâ tung tơdroăng hơ’lêh nếo kố, mê tá hâi pêi châ tiô tuăn hiâm tơmiât dêi Pôa Hồ mê cho ‘’kăn [o# cho ki xiâm dêi tơdroăng cheăng.

Hlo mâu rơkong tơpui tối tiah mê, nôkố tá hâi mơhno nhên môi khu pơkuâ ôh tá tro tuăn kăn [o#, đảng viên ki hơ’lêh, xua mê tá hâi teăm hbrâ mơdât mâu ngế ki kâ kơluâ, kâ kơhveăm, mơhrê liăn ngân tê kơtê. Pôa Lù Văn Que, hdrối kố nah xuân cho kăn xiâm pho\ pơkuâ ngăn Vi[an hdroâng kuăn ngo tối tiah kố: Vâ pêi tơdroăng kố, rêm ngế kăn [o# đảng viên athế pơtối [ă mơ-eăm pêi pro tơdroăng pơkâ Tíu xiâm tơnêi têa má 4 ‘na mơjiâng Đảng. Athế ‘mâi rơnêu xêh dêi tơná cho tơdroăng cheăng pêi ai pơxúa dêi kuăn pơlê, athế ngăn a kuăn pơlê vâ mơjiâng Đảng: Nôkố athế tối tơbleăng kuăn pơlê hbrâ mơdât kâ kơhveăm liăn ngân. Tơdrêng amê hnối séa ngăn hnoăng pơkuâ dêi kuăn pơlê pơcháu ăm Đảng, pơcháu ăm ngế ki ai hnoăng pơkuâ. Đảng tối tơbleăng tâi tâng Đảng, tâi tâng kuăn pơlê hriâm [ối [ă pêi pro tiô tuăn tơdjâ, hiâm mơno dêi Pôa Hồ Chí Minh gá tro [ă ‘ló, la kuăn pơlê rơhêng vâ ‘’đảng viên pêi hdrối, kuăn pơlê tiô [ối kơ’nâi’’, ‘mâi rơnêu tuăn hiâm tơniăn, ‘’rế lăm rế pêi’’. A hneăng hôp kân 12 dêi Đảng drêng pôk kăn pơkuâ Tíu xiâm Đảng tơnêi têa ki nếo athế pôk mâu ngế kăn cheăng tung tíu xiâm Đảng ai tu\m tơdroăng pơkâ, mơ-eăm tah lôi mâu ngế ki ai tuăn hiâm tơmiât ôh tá tro.

Pôa Nguyễn Viết Chức, hdrối kố nah xuân cho kăn xiâm pho\ pơkuâ Vi[an  ‘na mơhno mơjiâng túa le#m tro, hnê hriâm droh rơtăm, mâu pho#m vâ xông kân [ă mâu vâi hdrêng dêi Kuo#k ho#i tối tiah kố: Tung mơnhên tối dêi kuăn pơlê, mâu kăn cheăng tung khu pơkuâ ngăn Đảng cho mâu ngế ki rơkê má môi, le#m tro má môi, teăng mâ ăm kuăn pơlê, ăm tơnêi têa. Xua mê, tiô pôa Nguyễn Viết Chức tối: Athế pôi tá rah xo mâu ngế ki hiăng ai tơdroăng mơhé lơ tơdroăng kuăn, mâu ngế ki ôh tá ai tơdroăng klâi mê gá tơxâng. Xua Tíu xiâm tơnêi têa cho mâu ngế ki kơhnâ rơkê má môi, mâu ngế ki le#m tro má môi dêi môi ngế Đảng djâ troăng ahdrối dêi tơnêi têa, hdroâng mơngế kố. Xua Đảng pin bu ai pơxúa má môi cho pơxúa ăm kuăn pơlê rơhêng vâ tiah mê athế piu dêi tơná. Nôkố piu tơná ôh tá lo mơheăm chhá la nôkố thăm nếo piu dêi tơná, pro pơxúa ă kuăn pơlê cho ki xiâm.

Rah xo mâu ngế ki cheăng tung Tíu xiâm tơnêi têa ki djâ troăng ahdrối, ai tuăn hiâm pôu râng dêi hnoăng cheăng, ai tuăn hiâm tơdrăng le#m, pêi pro kơtăng mâu tơdroăng pơkâ dêi khu tơru\m, túa pơkâ dêi Đảng, pơkâ hnoăng cheăng tơdjuôm dêi Đảng, dêi hdroâng mơngế ahdrối. Mơ-eăm hbrâ mơdât mâu rôh, mâu tơdroăng ki rơhăm hnoăng pơkuâ, mơhnhôk djâ tơdroăng ôh tá tro, ai khu tơru\m [ă hên tơdroăng ki ê. Mê xuân cho tơdroăng ki loi tơngah kân k^n dêi mâu kăn [o#, đảng viên [ă kuăn pơlê pơtroh ăm kơ Hneăng hôp Đảng lâp tơnêi têa rôh má 12 kố.

Katarina Nga tơplôu [ă tơbleăng