VOV4.Sêdang - Klêi kơ’nâi 37 hnăm rêi têng nêng, rơhdruê xoâng tung khu pơkuâ ngăn ‘na rơhdruê xuâng dêi Khu Dăm San, nôkố tối cho Hngêi rơhdruê xuâng Dăm San, klêi kơ’nâi pơtê cheăng, pôa Y Tư, mơngế nghe# sih, kot mâ hnăm 1948, ối a kơxo# 1B, hơlâ troăng kân Võ Thị Sáu, pơlê kong kơdrâm Plei Ku, kong pơlê Gia Lai kơhnâ khât tung tơdroăng tí tăng hnê ăm vâi o, vâi muăn a hngêi trung hnê hriâm rơhdruê xuâng dêi kong pơlê Gia Lai. Tung hnăm nếo 2015, nghe# sih Y Tư hiăng pơkâ kô ‘mâi bro dêi têng nêng, cho prôa ôh ti păng lôi dêi hdrông mơngế Mahnar [ă mâu hdrông mơngế ki ê a kơpong Tây Nguyên hmâ xúa. Pôa Y Tư tối tiah kố: Tiu tơdroăng púi vâ á tung hnăm nếo A$t Mui kố kô pro klêi têng nêng. Tung hiâm mơno á tơmiât vâ pro têng nêng kô ga ai sap ing ton nah, xua á xun hiăng ‘nâi rêi [ă chiâng pro, la a pơlê kong kơdrâm kố ôh tá ai phêa, kơlo, á hmếu pơ lôi tê. Môi hdrôh lăm pôu dêi pú a pơlê Pơchăk, tơring ‘Măng Yang, [ă vêh lăm pôu dêi pơlê xiâm a K[ang, drêng ‘nâi á vâ bro têng nêng mê pú hmâ [ă mâu vâi muăn tơhrâ kôm lăm ko phêa, kơlo ki dâi le#m vâ pro têng nêng. Ki xiâm cho vâ pơtối rak vế túa tơlá, vêa vong ki le#m tro dêi hdrông mơngế kuăn ngo tơná, xua tơmeăm khoăng ki vâi krâ rôh nah hiăng ‘măn ăm, [ă á xun vâ hnê tối ăm khu rơxông nếo ‘nâi [ă mơjiâng pro têng nêng vâ pơtối rak vế, thăm pro i le#m tro tâ nếo têng nêng dêi hdrông mơngế Mahanar tối phá xêh, [ă mâu hdrông kuăn ngo ki ê tối tơchuôm.

A Sa Ly tơplôu