VOV4.Sêdang - A kong pơlê Kon Tum, tung mâu hâi hdrối kố nah, ai 2 khu mơdró hiăng troh lăm rôe phái ƀă ká kum kuăn pơlê tung kong pơlê hlối pơtroh ăm kuăn pơlê a kơpong dế tâ pơreăng COVID-19 Pơlê kong kân Hồ Chí Minh. Péa khu mơdró mê hiăng pro tơdroăng ki tro, cho Kŏng ti veăng tơlo liăn Tấn Phát (kong pơlê Kon Tum) ƀă kŏng ti veăng tơlo liăn pro on tơhrik Đại Trường Thành Holdings (Pơlê kong kân Hồ Chí Minh).

Rôe, ‘măn rak pơtroh ká ăm kuăn pơlê ối tung kơpong tâ pơreăng COVID-19

Péa kŏng ti mê hiăng rôe 50 tâ̆n phái ƀă 20 tâ̆n ká dêi kuăn pơlê ki dế klâ krê, klâ kơtăn xua hbrâ mơdât pơreăng COVID-19 a pơlê krâm Bình Thạnh ƀă pơlê Krâm 12, Pơlê kong kân Hồ Chí Minh. Tơdroăng pêi pro mê hlối kum kuăn pơlê châ tê dêi kế tơmeăm pêi lo, hlối veăng kum, hơlêm teăm tơdrêng kơ mâu kuăn pơlê ối tung kơpong tâ pơreăng.

Gương tơplôu ƀă tơbleăng