VOV4.Xơ Đăng - Hâi kố, lơ 4/1, a Hngêi Kuô̆k hô̆i po rôh hôp ôh tá xê tiah hmâ, séa ngăn, kĭ pơkâ 4 tơdroăng ki kal, pêi tơdrêng ăm tơdroăng ‘mâi mơnhông ăm tơdroăng cheăng kâ - rêh ối. Kố cho rôh hôp hâi chói hlo ai, mơhno ki pơ’lêh nếo pêi pro rơtế ƀă Chin phuh dêi Kuô̆k hô̆i hneăng 15. Kuô̆k hô̆i kô séa ngăn, kĭ pơkâ 4 tơdroăng pêi tơdrêng, tung mê, tơxâng vâ tối, Hlá mơ-éa Pơkâ ‘na luât pơkâ tŏng kum tài khoá, liăn ngân tŏng kum tơbleăng Tơdroăng ‘mâi mơnhông mơdêk cheăng kâ - rêh ối.

Pơkâ kố ai pơxúa kal khât ƀă tơdrêng, ai tiô pơkâ ki khât. Kuăn pơlê dế tơkôm a mâu luât pơkâ tŏng kum tài khoá, liăn ngân châ Kuô̆k hô̆i pơkâ a hneăng hôp ôh tá tiah hmâ kố cho mâu troăng rơhlâ châ mơjiâng ƀă pêi pro, teăm tơdrêng ai hâi pơkâ, tơbleăng hlối tơtro vâ ’mâi mơnhông ƀă mơhnhôk cheăng kâ, hlối rak tơniăn tơdâng tơ’mô ki kân dêi tơdroăng cheăng kâ, ai tiô púi vâ a ngiâ ƀă ton ta ah rơtế ƀă pơkâ mơnhông cheăng kâ pơla hơnăm 2021-2025.

Gương tơplôu ƀă tơbleăng