VOV4.Sêdang - Kơxo lơ 21/7, Vi ƀan pơkuâ cheăng Kuô̆k hô̆i tối tơbleăng Kuô̆k hô̆i ăm ‘nâi tơdroăng hiăng klêi tơpui tơno a Khu ƀă tối nhên mâu tơdroăng, pơtối tơmâng xo mâu tơdroăng veăng hnê khĕn dêi mâu kăn Kuô̆k hô̆i ‘na tơdroăng mơngế pêi cheăng hdrối Kuô̆k hô̆i vâ tơpui tơno, têk kŏng tiâ vâ tơbleăng inâi vâ rah xo inâi Ngế chêh tôm xơ rơkong dêi Kuô̆k hô̆i, Kăn xiâm hnê ngăn Hô̆i đong Kuăn ngo, Ngế pơkuâ Vi ƀan dêi Kuô̆k hô̆i, Ngế xiâm rak liăn ngân Tơnêi têa.

Pôa Nguyễn Phú Trọng, Kăn xiâm pơkuâ hnê ngăn Đảng ƀă pôa Nguyễn Xuân Phúc, Kăn xiâm hnê ngăn tơnêi têa tâ phĭu a Rôh hôp má môi, Kuô̆k hô̆i hneăng 15

Pơtối mê, mâu kăn Kuô̆k hô̆i tâ phĭu rah xo inâi ƀă tơdroăng tâ phĭu pơkí. Kơxô̆ phĭu tâ kô tơbleăng kơ’nâi mê. Xuân tung hâi pêi cheăng má 2 mê, Kuô̆k hô̆i tơpui tơno ‘na tơdroăng séa ngăn dêi Kuô̆k hô̆i hơnăm 2022, tiô tối hdrối Tơdroăng mơjiâng luât, luât hơnăm 2022, ‘mâi hơ’lêh Tơdroăng mơjiâng luât, luât hơnăm 2021.

Gương tơplôu ƀă tơbleăng