VOV4.Sêdang - Tơbâ 100 hơnăm Hâi kot mâ pôa Lê Quang Đạo lơ 8/8, kơxo kố lơ 7/8, Học viện Chính trị Quốc gia Hồ Chí Minh tơrŭm ƀă Khu pơtâng tối tơdroăng kal Tơnêi têa, Ƀơrô cheăng Kuô̆k hô̆i ƀă Khu pơkuâ ngăn Đảng kong pơlê Bắc Ninh tơkŭm po Rôh hôp khoa hok râ Tơnêi têa pơxá “Pôa Lê Quang Đạo ƀă kăch măng Việt Nam ƀă pơlê xiâm Bắc Ninh”. Tơdroăng rêh ối ƀă tơdroăng cheăng dêi pôa Lê Quang Đạo tơvât ƀă tơdroăng hơ’lêh kân kĭn ƀă trâu hngế dêi tơnêi têa tung lối 60 hơnăm mơ’nui chal 20.

Tơkâ luâ hên hnoăng cheăng pôu râng, maluâ a mâu tơdroăng hnoăng cheăng ki lâi, tung tơdroăng ki lâi, pôa đi đo tơmâng ngăn, kơhnâ ƀă tơdroăng cheăng, pêi klêi rơkê hnoăng cheăng châ pơcháu. Ƀă hnoăng cheăng cho kăn xiâm hnê ngăn Kuô̆k hô̆i, pôa hiăng veăng kum hên ăm troăng troăng hơlâ hơ’lêh nếo dêi Đảng tung tơdroăng hơ’lêh nếo dêi Kuô̆k hô̆i. Malối cho mơdêk hnoăng cheăng mơjiâng luât ƀă luât vâ pro hơ’lêh mâu tơdroăng pơkâ dêi Đảng, pêi pro châ tơdroăng ki pơkâ thế rak ngăn tơnêi têa tiô luât pơkâ.

Katarina Nga tơplôu ƀă tơbleăng