A drá peăng dêi vâi krâ-nho\ng o hdroâng K’ho a tơring Lâm Hà, kong pơlê Lâm Đồng, la lâi xuân ai plôi ki tâ rơhé chôu. Tâng vâ tối kố cho kế kâ ki ôh tá păng lôi dêi hdroâng K’ho Cil, drêng ối a hngêi lơ lăm a chiâk deăng, lơ rơnó hngiú lơ rơnó tô. Rơhé cho kế kâ [ă xuân cho môi tiah têa vâ ôu drêng khăng krôk. Ti xê to tiah mê, rơhé chôu ối cho tơmeăm ki vâ pro tơleăng drôu, kế ki chôu dêi rơhé mê pro ăm ngế ki tro pôu tơleăng le\m, lo\n kâ hmê. Jâ K’Ri, ối a thôn Tân Lập, cheăm Tân Thanh, tơring Lâm Hà tối ăm ‘nâi:

‘’Kuăn pơlê hdroâng kuăn ngo ngin hdrối vâ lo lăm a chiâk deăng, hmâ pế rơhé ing kơmăng hdrối nah, klêi mê tâ tung plôi, klêi mê nếo, drá a drá peăng. Maluâ kong tô mơdrăng la rơhé ki tâ tung plôi mê drêng kâ gá tâ rơngiâp [ă kơhiâm, klêi kâ, pin tâ dêi tung châ mo le\m vâ pơtối ai ivá pêi tơdroăng cheăng’’.

Vâ khoh ai rơhé chôu ki kơhiâm tro tơdroăng ga, vâi krâ-nho\ng o athế pế [ă phái chiâk. Túa ki vâ pế rơhé ga tơ’lêi. Klêi kơ’nâi rơchâ phái tâ tung hdro, hơ’lâk môi iâ po, tơkôm rơhé hiăng poh, xêi hdro. Drêng lâi rơhé hiăng ngê, vâi krâ kui xo rơhé mê tâ tung plôi khăng. Mâu plôi khăng ki mê athế pro krúa le\m, ‘măn a tíu ki x^ng le\m, mâu khu plôi ki mê bu ‘măn vâ tâ rơhé lơ têa ôu ki krúa. Ôh tá khoh xo plôi tâ rơhé mê vâ tâ mâu tơmeăm ki ê, ah ga kô pro chiâng xú kế ki ê, roh kơ’nâi ah kô ôh tá chiâng tâ rơhé xếo tung mê.

Vâi kui xo rơhé tâ pêng tung plôi khăng, klêi mê, klup kơdjâ i xi, kơtúa a mơnât hngêi. To lâi hâi kơ’nâi mê ah, rơhé kô chiâng chôu xêh [ă tâ xú le\m. Jâ K’Ly, ối a thôn Tân Lập, cheăm Tân Thanh, tơring Lâm Hà, tối ăm ‘nâi:

‘’Rơhé chôu kố ôh tá xê to kế kâ ki mơngế K’ho Cil hâk vâ mê tá mơngế K’ho Sre xuân hâk vâ há. Vâi pế rơhé tá xê to tâ rơhé tung plôi khăng, mê vâi ối tâ tung vó vâ kâ ton la ngiâ. Tâng ôh tá ai plôi, vâi ‘măn rơhé tung hdro mê rơhé xuân chôu há, la athế re\ng kâ, ôh tá păng lôi ton, xua rơhé ga tơ’lêi phong. Ki le\m má môi vâi tâ rơhé tung plôi khăng, ga kô chôu le\m tâ, kâ rơngiâp le\m môi tiah tâ ‘măn tung kơtuh hngiú há’’.

Dế nôkố, phái chiâk rế hía rế vâ tâi, xua mê, vâi krâ-nho\ng o pế rơhé chôu [ă phái klâng. Tiô jâ K’San, ối thôn Phi Tô, cheăm Tân Thanh, tơring Lâm Hà tối, tâng pế rơhé chôu [ă phái klâng, mê athế rah xo phái ki chía kơtô, ôh tá chiâng pế [ă phái rơmuăn. Tiah mê, rơhé nếo xú pơ-ô [ă kơhiâm le\m:

‘’Pế rơhé chôu athế pế [ă phái kơtô mê ga kơhiâm, phái rơmuăn tâng pế ga kô liê tâi, ôh tá kơhiâm. Rơhé chôu hmâ kâ [ă po ki pêi hăng, ká măm khăng lơ ká ki hâp pế [ă tro\ng xăng, to lâi to hăng drêh mê ga kô kơhiâm le\m’’.

Rơhé chôu tiô tơdroăng loi tơngah dêi hdroâng K’ho cho kế kâ ki pro mo le\m ăm ivá, cho tơmeăm ki tơná kuăn pơlê pế dêi, tơ’lêi pế [ă tơ’lêi vâ kâ. Kế kâ kố xuân cho kế ki vâ teăng têa ôu pro rơ-oh drêng khăng krôk. Xua ti mê, rêm kơxo má lo lăm a chiâk, tung mâu chêa, pong dêi hdroâng K’ho, pá k^ng plôi têa mê ối ai plôi ki tâ rơhé chôu, to lâi to ká măm khăng, to lâi to hăng, tro\ng xăng [ă hên mâu tơmeăm ki ê vâ kum pro ăm ivá châ chăn mo le\m tung mâu chôu pêi cheăng ki tơbrê a chiâk deăng.

K’Hạnh chêh

Nhat Lisa tơplôu [ă tơbleăng