VOV4.Sêdang - Ô vâi krâ nho\ng o [ă pú hmâ! Bình Phước cho kong pơlê ai lối 260 km troăng tíu tơkăng kong [ă 3 to kong pơlê dêi kong têa Kul, mê cho: Tabong Khmum, Karatie [ă Mondulkiri. Pơtối rak vế tơdroăng tơru\m tơrôa ki mâu rơxông pâ pôa, ngoh nâ hdrối nah hiăng mơjiâng bro, kong pơlê Bình Phước dế thăm mơdêk tơru\m tung tu\m tơdroăng cheăng [ă mâu kong pơlê kố vâ tơdroăng pêi pro ai pơxúa tung cheăng kâ, rêh ối [ă kring vế pơlê pơla dêi tơnêi têa. Tơru\m pơla kong pơlê Bình Phước [ă mâu kong pơlê ki ối kơpong tíu tơkăng kong dêi kong têa Miâng dế rêm hâi hlo tơ-[rê, tơdroăng rêh ối ki le#m tro dêi kuăn pơlê péa tơnêi têa rế hía rế châ mơnhông [ă veăng kring vế kong a drô tíu tơkăng kong pêa mâ hâi lu ‘na rơhdroh dêi tơnêi têa. Bài chêh a kơ’nâi kố dêi Thành Trung, ngế chêh hlá tơbeăng dêi Rơ’jiu Việt Nam cheăng a pơlê kong kân Hồ Chí Minh kô kum pó vâi krâ nho\ng o hlê ple#ng nhên tâ tung tơru\m tơrôa pơla kong pơlê Bình Phước  [ă kong têa Kul.

Tung mâu hâi Têt A$t Mui kố nah, tơdroăng cheăng dêi mâu mố đo#i kak tíu tơkăng kong a kơpong tíu tê mơdró kăng kong lâp plâi tơnêi a Hoa Lư, tơring Lộc Ninh, kong pơlê Bình Phước dế tơvâ tơvân tơdroăng cheăng tâ, xua kơxo# mơngế [ă kế tơmeăm chơ tơkâ hluâ kơpong tíu tơkăng kong kố rế hên. La tơdroăng cheăng mê xun kơdroh iâ há ki pá puêt drêng ai mâu lêng gâk tíu tê mơdró tơkăng kong, mâu kan sat a tíu tơkăng kong, mố đo#i gâk tơkăng kong dêi kong têa Kul veăng kum. Tơdroăng ki sôk ro, kuăn pơlê rêh ối drô péa pâ tíu tơkăng kong đi đo môi tuăn vâ rơtế [ă mố đo#i gâk tơkăng kong [ă mâu kăn tơring, cheăm tơplâ mơdât mâu ki ‘mêi. Tơdroăng ki ru\m môi tuăn, tơru\m tơrôa pơla kuăn pơlê a tơring Lộc Ninh dêi kong pơlê Bình Phước [ă kuăn pơlê tơring Sanuol, kong pơlê Karatie hiăng châ kum dêi pó ing hên hơnăm kố [ă tơdroăng kring vế tíu tơkăng kong xun môi tiah kring vế hngêi tuăn pâ dêi tơná. Pôa Điểu Vem, mơngế kuăn ngo Stiêng ối a kơtâo 8B, cheăm Lộc Hòa, tơring Lộc Ninh tối: Kuăn pơlê a kơtâo 8B ngin [ă kuăn pơlê kong têa Kul xun ai mâu ngế tơru\m pro nho\ng o, ai ngế ki ‘nâ cho nho\ng o hdrông hdrê. Rôh diâp o\ng mế, ôu kâ pơko\ng [ă hâi têt xun lăm troh pá tá vâ krếo tơru\m môi tuăn [ă dêi pó, veăng plâ mơdât khu ‘mêi ki hriăn djâ pro tơdroăng ki ôh tá tro, pro tơ’nhiê tơnêi têa. Tâng vâi ‘nâi vâi tối tơbleăng hlối ăm ngin, klêi mê, ngin tối tơbleăng ăm mâu kăn cheăm tơring [ă tăng troăng teăm tơleăng mơnhên tơdrêng.

Đông gâk tơkăng kong xuân cho bo cheăng lâp plâi tơnêi Hoa Lư a tơring Lộc Ninh, kong pơlê Bình Phước ối ai hnoăng cheăng rak ngăn [ă kring vế 8 to tơneăn hdró tíu tơkăng kong achê [ă cheăm Pithanu, tơring Sanuol, kong pơlê Karatie. Mơhé ai bo cheăng tơkăng kong lâp plâi tơnêi Hoa Lư [ă hên troăng kong tơkâ hluâ tíu tơkăng kong, la kơnôm pêi tro hnoăng cheăng tơru\m [ă khu mố đo#i kring vế tíu tơkăng kong dêi kong têa Kul, rơtế ‘’veăng hnế tối kuăn pơlê’’ mê tơdroăng pơkuâ ngăn tíu tơkăng kong tơnêi têa châ rak vế tơniăn, tơdroăng kring tơniăn pơlê pơla đi đo châ pơtối pêi pro. Vâ tơru\m krá khât tâ tung tơru\m pơla mâu lêng tơplâ péa pâ, Đông gâk tíu tơkăng kong Hoa Lư nếu k^ tơru\m pro hmâ [ă Tiêuh đoân 204 dêi mố đo#i gâk tíu tơkăng kong dêi kong têa Kul. [ă tơdroăng tơru\m, rơtế mơnhông mơdêk, khu mố đo#i gâk péa pâ tíu tơkăng kong hiăng kâi mơdât hên ngế ki vâ tơkâ hluâ hmâng vâ ke#n kong têa ê, tê mơdró ma-tu\i [ă pơto tê mơdró tơmeăm liu tơkâ hluâ tíu tơkăng kong, Thượng tá Vũ Tuấn Anh, kăn cheăng kal kí đông tơkăng kong dêi tíu tê mơdró tơkăng kong lâp plâi tơnêi Hoa Lư, kong pơlê Bình Phước tối ăm ‘nâi: Ngin đi đo pơtối rak vế tơdroăng hôp tơpui tơno, trâm mâ tiu rơnó. Má péa, tối ăm dêi pó ‘nâi mâu tơdroăng péa pâ tíu tơkăng kong. Mâu đông tíu tơkăng kong, mâu mố đo#i kơhnâ hnê tối ăm kuăn pơlê ki tơkâ hluâ a péa pâ tíu tơkăng kong rak vế pêi pro tro luât ‘na tíu tơkăng kong dêi rêm kong têa [ă pơkâ ‘na tơniăn kring vế pơlê pơla. Ngin xun tơku\m pêi pro tro hnoăng cheăng trâm, tơpui tơno, mơđah hơdruê xoâng, tơ’noăng ivá, kum dêi pó tung hnoăng cheăng vâ kơdroh xahpá tung rêh ối, ing mê, mơdêk ‘na ki hlê ple#ng [ă loi nhuo#m dêi pó ó khât.

Tơdroăng tơru\m cheăng pơla Bình Phước [ă mâu kong pơlê ối kơpong tíu tơkăng kong dêi kong têa Kul hiăng châ kăn [o#, mâu lêng [ă kuăn pơlê péa pâ mơjiâng [ă tơdroăng ki hơ-ui pâ dêi pó khât ing mâu tơdroăng cheăng pêi ki ai pơxúa. Mâu khu mơtiah Khâu ngăn kuăn pơlê pêi chêk deăng, Khu ngăn vâi kơdrâi, Đoân droh rơtăm rêm râ dêi kong pơlê Bình Phước đi đo lăm pôu, trâm, tơpui tơno, kơ-êng, hơbru kế tơmeăm, xah tơru\m mơđah hơdruê xuâng, tơ’noăng ivá [ă hnê túa pêi chêk deăng ki pro pơxúa ăm kuăn pơlê ki rêh ối a mâu kong pơlê tơkăng kong [ă kong têa Kul. Hên túa cheăng kâ dêi kong pơlê Bình Phước hnê kuăn pơlê a kong pơlê Karatie pêi cheăng hlo pơxúa khât, mơtiah: păn đa điêuh (pin hmâ tối chêm cheâng xo\n) ăm í kơ’nâm, pêt loăng plâi hôt, pêt pôm loăng ki ai châ hên [ă hía hế.

Tung la ngiâ, kong pơlê Bình Phước [ă mâu kong pơlê ki ối kơpong tíu tơkăng [ă kong têa Miâng kô hnê tối tơdroăng tơru\m pro hmâ pơla mâu kuăn pơlê ki rêh ối drô tíu tơkăng kong, mâu tơdroăng pêi pro ki nhên tâ vâ kum kuăn pơlê péa pâ mơdêk tâ nếo ki hlê ple#ng, vâ hnê tối, kum dêi pó tung mơnhông cheăng kâ. Pôa Hoàng Nhật Tân, Kăn pho\ hnê ngăn Vi[an tơring Lộc Ninh, kong pơlê Bình Phước tối ăm ‘nâi: Klêi têt kố, ngin kô k^ tơhrâ tơru\m cheăng pơla môi kơpong kuăn pơlê ối dêi Lộc Ninh [ă kơpong kuăn pơlê ối peăng tíu tơkăng kong [ă kong têa Kul, klêi mê, kô pêi pro a mâu cheăm ki ê. Tơdroăng  kố ngin thăm tơru\m krá khât tâ pơla kuăn pơlê dêi péa pâ tơnêi têa. {ă khu chêh hla tơbeăng dêi péa tơnêi têa, pin hiăng tơru\m krá, hdrối nah pin xun hiăng kum dêi rơpó drêng trâm pá tung rôh tơplâ, troh rơxông mơjiâng tơnêi têa, kuăn pơlê péa pâ rơtế tơru\m dêi pó, trâm mâ tơbleăng khôi túa, vêa vong ki le#m tro [ă mơnhông cheăng kâ pơla mâu kơpong kuăn pơlê ối drô péa pâ tíu tơkăng kong.

Hnăm nah, tâi tâng kế tơmeăm rôe ing kong têa ê tơkâ hluâ tíu tơkăng kong dêi kong pơlê Bình Phước [ă mâu kong pơlê dêi kong têa Kul cha lối 100 rơtuh dollar Mih. Kong pơlê Bình Phước xun hiăng to\ng kum mâu kong pơlê ki achê tíu tơkăng kong ‘no liăn cheăng [ă pê klêi hnhâng kơxái on tơhrik, pro troăng prôk môi tiah: pro kông tơkâ hluâ kroăng Măng a bo cheăng tơkăng Hoàng Diệu dêi kong pơlê Bình Phước [ă tíu tê mơdró tơkăng kong Laphakhe dêi kong pơlê Mondulkiri [ă tâi tâng kơxo# liăn ‘no mơjiâng pro 12 rơtal liăn; to\ng kum ‘mâi rơnêu pro troăng kân xăp tíu tê mơdró tơkăng kong Tavat dêi kong pơlê Bình Phước [ă tíu tê mơdró tơkăng kong Tôn Lê Chàm dêi kong pơlê Tabong Khmum troh troăng kân kơxo# 7 pêa kong têa Kul [ă tâi tâng kơxo# liăn ‘no mơjiâng pro 560 rơtuh liăn; veăng mơjiâng pro troăng kơxái on tơhrik ki kân, ki ku\n [ă tíu ‘măn kơmăi mơdêk dju on tơhrik a tíu tê mơdró tơkăng kong lâp plâi tơnêi Hoa Lư troh tơring Sanoul, kong pơlê Karatie pêa kong têa Miâng [ă tâi tâng kơxo# liăn ‘no mơjiâng pro 3 rơtal 900 rơtuh liăn. Nôkố, kong pơlê Bình Phước hiăng ai 4 khu mơdró ‘no liăn cheăng a kong têa Miâng [ă tâi tâng kơxo# liăn lối 148 rơtuh dollar Mih. Pôa Nguyễn Tuấn, Kăn pơkuâ ngăn ‘na tăng cheăng pêi dêi kong pơlê Bình Phước ăm ‘nâi:Tung hnăm la ngiâ, kong pơlê Bình Phước kô ‘no liăn cheăng, mơjiâng pro mâu kơchơ [ă po rơdâ mâu troăng kân a tíu tê mơdró tơkăng kong. Má péa, ngin kô xéa ngăn, tê on tơhrik tơkâ hluâ mâu kong pơlê achê tơkăng kong [ă kong têa Miâng. Pak^ng mê, ngin xun mơdêk tơdroăng tơpui kâ, malối tơpui kâ [ă kuăn pơlê pro ti lâi vâ tơdroăng tơru\m tơrôa [ă mâu kong pơlê ki ối achê tíu tơkăng kong rế le#m tro, tơniăn tâ.      

Tơdroăng tơru\m tơrôa, rơtế mơnhông mơdêk pơla kong pơlê Bình Phước [ă mâu kong pơlê achê tíu tơkăng kong dêi kong têa Kul hiăng pro pơxúa khât ‘na cheăng kâ, rêh ối [ă rak vế tơniăn tung kring gâk pơlê pơla, cheăm bêng a kơpong tíu tơkăng kong. Tơdroăng tơru\m tơrôa mê xun veăng kum pro ăm kuăn pơlê ki rêh ối tíu tơkăng kong peăng mâ hâi lâ ‘na hơdroh tơnêi têa a rơnó hơngui tơtô [ă hơniâp le#m.

Gương tơplôu