VOV4.Sêdang - Tơdroăng ki tối ‘na hên rơpo\ng hdroâng kuăn ngo a cheăm Canh Thuận, tơring Vân Canh, kong pơlê Bình Định mơhno\ng pro xêh đơn lo ing rơpo\ng kơtiê dế pro hên ngế rơhêng vâ ‘nâi ple#ng. Đảng [o# cheăm Canh Thuận hiăng rơkê tung pêi pro ‘’xua vâ kum mâu ngế ki ê’’ hnối po rơdâ tung Đảng, tung kuăn pơlê vâ chiâng tơdroăng ‘’pâ hluăn ing inâi kơtiê’’ môi tiah hâi kố. Khu chêh hla tơbeăng cheăng tung Rơ’jiu Việt Nam ai chêh tối ‘na tơdroăng mê.

Troăng vêh a thôn Hà Văn Trên, cheăm Canh Thuận, tơring Vân Canh, kong pơlê Bình Định cho le\m păng ‘nâng. Kong loăng nhe#n kân rơdâ ngiât le\m drô troăng kân hiăng châ tôh [ê-tong. Drô cheâng ngo Cổng Trời, mâu chiâk deăng pêt pôm loăng, chiâk deăng pêt alâi dêi kuăn pơlê hdroâng kuăn ngo Bơhnéa, to mơngiơk ngiât le\m mơnâ mâ ngăn. Pôa Nguyễn Sinh Cơ, Kăn pơkuâ hnê ngăn chi [o# thôn Hà Văn Trên pơchốu ko\ng vêh peăng kơpong tơnêi nếo 200 hectar drô cheâng ngo tối ăm ‘nâi, vâ ai kơpong ki hiăng pơkâ kố, Chi [o# po rơdâ tơku\m po hên roh hôp, tơmâng khu râ kăn tung Chi uỷ tơpui tối vâ châ môi tuăn ‘na troăng hơlâ, klêi mê po rơdâ hôp thôn, ngăn kơbố vâ môi tuăn, kơbố tí vâ môi tuăn, rah tíu kố vâ mơjiâng thôn pơlê nếo. Pôa Nguyễn Sinh Cơ cho đảng viên djâ troăng ahdrối, pro đơn pâ lo ing rơpo\ng kơtiê a hơnăm 1996. Rơkong tơpui dêi pôa châ kuăn pơlê hdroâng kuăn ngo Bơhnéa akố tơmâng khât: Ngin tung khu râ kăn pơkuâ cheăng Đảng cheăm đi đo hôp Chi [o#, pêi tiô luât pơkâ dêi Đảng, kơbố xuân ‘nâi nhên, hlo nhên mơngế đảng viên thế djâ troăng ahdrối, tâi tâng rêm tơdroăng pin thế pêi hdrối, kuăn pơlê pêi tiô kơ’nâi. Má 2 nếo, pin xuân thế tối nhên, vâ nho\ng o pơchông pơla rơpo\ng [a\ mâu nho\ng o tung pơlê.

            Rơtế [a\ ngoh Nguyễn Sinh Cơ, jâ Đinh Thị Nở, ối a thôn Hà Văn Trên xuân pâ lo ing rơpo\ng kơtiê. Jâ Nở ngiâ tum khêi drêng hơ’muăn ‘na mâu hâi pá puât. Nôu châi tamo râ koi to a xoăng, kuăn ối ku\n, kơnốu plâ hâi pôu to ôu drôu, xua mê đi đo kơtiê. Kơnôm Tơnêi têa ăm mung liăn, ôh tá xo liăn laih, on veăng jâ mơ’no liăn pêt loăng nhe#n, hlối pêt pôm loăng, păn mơnăn mơnoâ. Tung 3 hơnăm pơtối mê, on veăng jâ pêi lo liăn lối 40 rơtuh liăn môi hơnăm. Rơpo\ng nôkố hiăng hlu\n ing kơtiê. Jâ Nở tối ăm ‘nâi, a pâ pro mơ-éa đơn vâ lo ing rơpo\ng kơtiê, cho vâ kơdroh ki hngăm ăm Tơnêi têa, hlá châ kuăn pơlê pơ-ôu pơ-eăng cho rơpo\ng kro mơdro\ng, kuăn ‘ne\ng châ lăm hriâm, ôh tá kơmê lim xếo [a\ pú hmâ:Tơnêi têa ăm mung liăn, a pêt kong, pêt kơtếo, pêt pôm loăng; rơpo\ng á nôkố xuân chía tâ rơpo\ng ki ê, a pro mơ-éa đơn pâ hlu\n ing kơtiê, ôh tá xê Tơnêi têa ăm hlu\n ing kơtiê. A pâ xêh, hnoăng liăn tơnêi têa to\ng kum ki mê, ăm tơnêi têa to\ng kum rơpo\ng kơtiê ki ê.

            ‘’Đảng viên prôk hdrối, kuăn pơlê tiô kơ’nâi’’, rơkong pơchân dêi Pôa Hồ châ mâu Chi [o# a kố hlê ple\ng, tơbleăng troh rêm ngế đảng viên. Nôkố, đảng viên hơnăm ối nếo Đinh Văn Dũng, ối a thôn Hà Văn Trên, nếo hlo mơjo dêi khât mâu hâi khế tiô pú hmâ ôu drôu, mơ’nhiê hâi khế tê kơtê. 2 hơnăm mot Đảng, ngoh Dũng hiăng ‘nâi tơmiêt, mơ-eăm pêi cheăng kâ. Ngoh xuân cho môi tung mâu rơpo\ng kơtiê apoăng a 2 thôn Hà Văn Trên [a\ Hà Văn Dưới, pro xêh đơn pâ lo ing rơpo\ng kơtiê. Á cho đảng viên, a hlo pêt kong, pêt pôm loăng pêi lo liăn xuân hên, a hiăng hlu\n ing rơpo\ng kơtiê, hnoăng liăn kum rơpo\ng kơtiê dêi tơnêi êa ăm á, mê á ăm mâu ngế ki krâ, ivá ôh tá pá hro.

            Troăng pêi cheăng dêi Đảng ủy, Vi[an cheăm Canh Thuận, tơring Vân Canh, kong pơlê Bình Định cho ‘’Choâ ‘lâng pêi pro’’. {a\ kuăn pơlê hdroâng kuăn ngo, rơtế pêi pro hên tơdroăng vâ kuăn pơlê, mê kuăn pơlê kô ôh tá kâi pâ vế tâi tâng; xua mê, rêm khế mâu chi [o# thôn rah môi tơdroăng, tơpui tơno, môi tuăn tung Đảng, klêi mê po rơdâ pêi pro tung kuăn pơlê. Pôa Rơ Ô Hòa, kăn pơkuâ hnê ngăn cheăng Đảng cheăm, kăn hnê ngăn Vi[an cheăm Canh Thuận tối ăm ‘nâi, mơ’nhiê hên má môi dêi cheăm hdrối kố nah cho tơnêi tơníu lôi chúa, tơdrêng amê mơngế pêi cheăng dêi cheăm hên h^n. Tiô pôa Hòa, nah kuăn pơlê hmâ chối, pêi to lâi rơnó tơnêi ôh tá hơpok le\m xếo, mê hơ’lêh tíu ki ê pêi chiâk deăng. Nôkố, xuân a tơnêi mê, kuăn mơngế ki mê, laga hiăng ai troăng prôk ki nhên, mê tơdroăng rêh ối kuăn pơlê kô kơdroh pá puât. Tung plâ 5 hơnăm, kơxo# rơpo\ng kơtiê dêi cheăm Canh Thuận kơdroh sap 75% chu u ối 54%. Pôa Rơ Ô Hoà, kăn pơkuâ hnê ngăn Đảng cheăm, kăn hnê ngăn Vi[an cheăm Canh Thuận, tơring Vân Canh, kong pơlê Bình Định tối ăm ‘nâi: Drêng ngin tơku\m po hôp Khu hnê mơhno, tơdrêng amê hôp khu pơtâng mơhnhôk kuăn pơlê, mâu pơlê, tối nhên [a\ hnoăng cheăng dêi pơlê, rêm rơpo\ng, rêm khu môi ngế, rêm khu cheăng kal kí [a\ hnoăng cheăng dêi rêm rơpo\ng, [a\ kơ’nâi mê cho hlo túa pêi cheăng kâ dêi kuăn pơlê [a\ pêi lo liăn hên, mê rêm rơpo\ng vâi hlo dêi tơná ai ivá mơnhông tơtêk, hnoăng liăn to\ng kum rơpo\ng kơtiê, mê to\ng kum ăm vâi ki ê, ăm mâu rơpo\ng hơnăm hiăng krâ, ôh tá ai kuăn ‘ne\ng rak ngăn [a\ hía hé.

            Nôkố, kuăn pơlê hdroâng kuăn ngo Bơhnéa a cheăm Canh Thuận, tơring Vân Canh, kong pơlê Bình Định hiăng sôk ro khât, môi hiâm mơno tiô Đảng. Kơxo# rơpo\ng kơtiê pro đơn pâ hlu\n ing kơtiê xuân tâk hên rêm hơnăm. Kuăn pơlê ôh tá tơkôm ing to kơxo# liăn Tơnêi têa to\ng kum xếo./.

A Sa Ly tơplôu [ă tơbleăng