VOV4.Sêdang - Ƀă tơdroăng “Rĕng teăm tơdrêng tối tơbleăng, rĕng tơdjâk troh lâp lu, rĕng tơdjêp”, rơxông nếo Gia Lai hiăng mơhnhôk châ hên kơxô̆ liăn veăng tŏng kum vâ roê mâu kế tơmeăm xúa tung khăm pơlât ƀă mâu kế xúa ki kal ăm mâu kơpong ki klâ ối krê, mâu tíu gak hbrâ mơdât pơreăng COVID-19 ƀă kuăn pơlê a kơpong ki dế ai pơreăng. Sap ing hneăng pơreăng tâ tú rôh má 4 troh nôkố, mâu đoân viên droh rơtăm kong pơlê Gia Lai hiăng mơhnhôk kum tơlo châ lối 9.800 to nhĕng hbrâ mơdât têa kơtĕng, lối 450 rơpâu plâ kên pâng môh rơkong, hmân ếo truâ hbrâ mơdât pơreăng, têa kơdê pơreăng, rơtế ƀă hên kế tơmeăm xúa ki ê kơnâ lối 3 rơtal 500 rơtuh liăn.

Mâu tơmeăm, kế kâ hiăng châ mâu vâi o hok tro pơtroh a tíu ki dế khăm pơlât, tơplâ mơdât pơreăng a Gia Lai

Tơdroăng ki djâ troăng ahdrối dêi rơxông nếo Gia Lai tung pơla hdrối kố nah hiăng châ xo tơdroăng ki môi tuăn kơhnâ dêi hên khu ki ai hiâm mơno hơ-ui vâ tơdjuôm ivá hbrâ mơdât pơreăng Covid-19.

Katarina Nga tơplôu ƀă tơbleăng