VOV4.Sêdang -Sap ing lơ 1 khế 8 hơnăm 2016, tơdroăng pơkâ kơxo# 46 hơnăm 2016 dêi Chin phuh ‘na pơkâ pơxâu phâk liăn tung kơvâ ‘na troăng prôk [ă troăng rơxế lơ treng kô xêt. Ing mê, hên tơdroăng ki pro xôi xúa kơlo pơxâu phâk hên tâ. Môi tiah, pro xôi ‘na mơngế ki vê rơxê ôu drôu ai trếo kôl hluâ 80mg/100ml mơheăm lơ hluâ 0,4mg/1 lit hyôh ki hiâm to pló drôu kôl kô tro pơxâu phâk liăn a kơ lo sap 16 troh 18 rơtuh liăn (kơlo phak hdrối nah sap 10 troh 15 rơtuh liăn), [ă mơngế ki vế rơxế hon đa  kô pơxâu phâk a kơlo sap 3 rơtuh troh 4 rơtuh liăn (kơlo ki ton sap 2-3 rơtuh liăn). ‘Na ki pro xôi to tê hluâ tơdroăng, mơngế ki vê rơxế ô tô kơtâu hluâ sap 20 - 35 km 1 chôu  kô pơxâu phâk  sap 5  rơtuh troh 6 rơtuh liăn (kơlo ki hdrối sap 4 rơtuh troh 6 rơtuh liăn), rơxế hon đa tâng pro xôi to têi hluâ 20 km kô pơxâu phâk liăn sap 3 troh 4 rơtuh liăn (kơlo ki hdrối sap 2 troh 3 rơtuh liăn). Mâu kơlo pơxâu phâk [ă mâu tơdroăng pro xôi chơ tơmeăm hên hluâ tơdroăng pơkâ kô phâk hluâ 2 hdroh tơdroăng pơkâ phak hdrối nah.

Katarina Nga tơplôu [ă tơbleăng