VOV4.Sêdang - Kơxo lơ 19/11, a pơlê kong kơdrâm Đà Lạt, Lâm Đồng, Khu kăn pêi hnoăng cheăng dêi Khu hnê mơhno Tơnêi têa ‘na hbrâ mơdât kâ kơhveăm liăn ngân xua pôa Lê Minh Trí, Kăn cheăng tung Khu xiâm Đảng, Kăn pơkuâ kơ koan séa ngăn kuăn pơlê râ pơkuâ xiâm hiăng tơku\m po Hneăng hôp tơbleăng Pơkâ séa ngăn tơdroăng hbrâ mơdât liăn ngân a mâu tíu cheăng Đảng, khu cheăng Đảng [a\ kơ koan cheăng dêi kong pơlê Lâm Đồng.

Tiah mê, sap ing hâi lơ 4/12 troh lơ 12/12, Khu kăn pêi cheăng ối tung Khu hnê mơhno Tơnêi têa ‘na hbrâ mơdât kâ kơhveăm liăn ngân kô tơku\m séa ngăn mâu tíu cheăng Đảng, khu cheăng Đảng [a\ kơ koan cheăng dêi kong pơlê Lâm Đồng ‘na pơkuâ, hnê mơhno tung tơdroăng tơdah, tơleăng ‘na xăm tối, tơbleăng ‘na mơngế xôi [a\ pâ thế xăm tối ai tơdjâk mâu ngế ki pro xôi ‘na pơkuâ cheăng kâ, mâu kăn.

Klêi mê, séa ngăn tơdroăng tơdah, tơleăng xăm tối xuân môi tiah tơdroăng tơru\m pêi pro; tơdroăng ki tơleăng mâu tơdroăng ối tơvâ, tơleăng mâu roh tơdroăng hlo ai pro xôi ‘na kâ kơhveăm liăn ngân, cheăng kâ xua mâu khu kăn séa ngăn dêi Khu hnê mơhno châ hlo, pơkâ thế [a\ hía hé.

A Sa Ly tơplôu [ă tơbleăng