VOV4.Sêdang - Ô vâi krâ nho\ng o [ă pú hmâ! Rơtế [ă tơdroăng ki tơdah măng t^ng kân Noel dêi hdroâng mơngế tiô khôp tung lâp tơnêi têa, kong măng hnah, lơ 24 khế 12, kuăn pơlê a pơlê kong xiâm Hà Nội sôk ro lăm troh a mâu hngêi khôp Pâ Xeăng, tíu ki xah hêi vâ tơdah Noel. Kong măng Noel, kơpho#, bêng Hà Nội châ rơnuâ krip le#m, tíu lâi xuân hlo to on mơngiơk, reăng rơtế [ă loăng hngó Noel, pôa krâ Noel, rơxế hên mơngiơk [ă hên tơdroăng ki ê. Mâu hngêi khôp Pâ Xeăng a Hà Nội môi tiah: Hngêi khôp Pâ Xeăng kân: Hàm Long, Thái Hà, Phùng Khoang [ă hía hé … Tíu lâi xuân hên kơdrâm kuăn pơlê [ă tơmối.

A Pơlê kong kân Hồ Chí Minh kong hngiú iâ pro kuăn pơlê lăm troh a mâu hngêi khôp kơpong tíu xiâm, kơpong ki tiu khôp hlo hên păng ‘nâng, malối cho a kong măng. A mâu hngêi khôp ki kân, ôh to xê to kuăn pơlê mê ối ai hên mâu ngế ki ôh tá tiô khôp xuân hiăng lăm troh a hngêi khôp vâ sôk ro, phiu niu măng t^ng kân Noel, xup um pro tơbâ. Hơnăm kố, [ă hên tơdroăng ki hơ’lêh nếo tung tơdroăng, xuân môi tiah túa ki bro rơnuâ, pơlê kong kân chiâng tíu ki le#m krip má môi, phâi tơtô tâ tung mâu hâi leh Noel. A kơpong tíu xiâm pơlê kong kân, môi tiah: Hngêi khôp Đức Bà, Tíu pơtroh kơthô pơlê kong kân, kơpho# ki prôk cheâng Nguyễn Huệ lơ mâu tíu xiâm roê xúa kế tơmeăm ki kân sap ing hâi 6 troh 7 chôu kong măng, kuăn pơlê hiăng lăm troh ngăn tơdroăng ki sôk ro dêi hâi Noel.

A pơlê kong kơdrâm Plei Ku, kong pơlê Gia Lai tá hâi troh 19 chôu, a mâu drô troăng lăm troh a hngêi khôp kân, môi tiah Đức An, Thăng Thiên, Thánh Tâm [ă hên hngêi khôp ki ê ai hên h^n kuăn pơlê prôk lăm, hơniâp ro sôk suâ, rơnuâ hmân ếo krip krih, hên mơngiơk, pơrá prôk lăm troh a hngêi khôp vâ khôp [ă rơkâu dêi pó mâu rơkong tơpui rơkâu măng t^ng kân Noel trâm tơdroăng tơniăn le\m. Rế vâ chê troh a kơmăng dế, mơngế ki lăm troh khôp a hngêi khôp kân rế hía rế kơdrâm, vâi krâ, vâi hdrêng bố bố tá hâk ro, sôk suâ, ngiâ méa eăng bâ, tơpui tó, hơniâp ro môi tiah pá ai xếo tơdroăng ki tô tuăn ‘na rêh kâ ối, hơ’lêh amê, cho vâ rơtế hâk phiu tung măng t^ng kân ki krip krih, [ă pói tơngah kô trâm hên tơdroăng pon mơhúa tung la ngiâ. {ok xối Đinh Quang Vinh, pơkuâ ngăn kuăn khôp pơlê kong kơdrâm tối ăm ‘nâi: Măng t^ng kân Noel hơnăm kố tung hlá mơ-éa pơ-rê ki pơtroh ăm rêm ngế rêh ối kal athế pêi pro ai pơxúa ăm rơpo\ng hngêi, pơlê pơla, ‘nâi to\ng veăng mâu ngế kơtiê xơpá, pêi pro mâu tơdroăng ki le\m tro má môi, pói vâ châ ai ki le\m tơniăn, phiu ro má môi troh tơrêm rơpo\ng hngêi, on veăng.

Katarina Nga chêh [ă tơbleăng