VOV4.Sêdang - Xòe cho khôi túa mơhno mơjiâng le\m tro châ hnê tối sap ing rơxông kố troh rơxông ki ê, pơxiâm ing mâu tơdroăng rêh ối dêi mâu hdroâng kuăn ngo Thái, kong pơlê Sơn La. Vâ pơtối rak vế, khôi túa, vêa vong ki le\m kố, ing mâu túa xuâng xòe ton nah, tơru\m [ă túa xuâng  ki hmâ ton nah, Vi[an kong pơlê Sơn La hiăng k^ pơkâ tơdroăng tơkêa bro ‘’Tí tăng ‘nâi ple\ng [ă hnê tơbâ túa xuâng xòe dêi mâu hdroâng kuăn ngo Sơn La’’. {ai tối ‘na ki pơxúa dêi tơdroăng tơkêa pro, Lường Hạnh, ngế chêh hla tơbeăng dêi Rơ’jiu Việt Nam kơpong Tây Bắc ai [ai chêh ‘na tơdroăng mê.

Hdrối nah, hdroâng mơngế Thái hmâ tối nge# thuât xuâng dêi kuăn ngo tơná cho ‘’xe’’, kơ’nâi mê, inâi ‘’xe’’ chiâng ‘’xòe’’ [ă túa kơhnhon xuâng xòe hiăng chiâng hmâ [ă rêm ngế kuăn pơlê Sơn La. Xòe ki xiâm ga, lo ing tơdroăng pêi cheăng rêh ối rêm hâi dêi kuăn pơlê, rêm hdrôh pơlê cheăm ai po mơd^ng, lơ a hâi têt, hơnăm nếo hiăng troh, vâi krâ-nho\ng o hmâ tơku\m xah hơdruê xoâng tơchuâm pơlê pơla. {ă tơdroăng xuâng xòe hiăng chiâng tơdroăng ki ti păng lôi tung hiâm mơno, tung rêh ối dêi kuăn pơlê hdroâng kuăn ngo. Pôa Cầm Văn Vui, môi ngế ki hlê ple\ng ‘na mơhno mơjiâng túa le\m tro dêi hdroâng kuăn ngo Thái ai tối ‘na túa kơ’râu xuâng xòe tiah kố: Á hlo hdrối nah, kơhnhon xuâng bu tơku\m po a mâu pơlê cheăm ki kân, tíu ki tơku\m hên kơdrâm kuăn pơlê. Vâi krâ-nho\ng o hmâ nong hơkâ [ă kéa kơpôu, xúa chêng hlái. Drêng ai tơdroăng hơniâp ro xuâng xòe, vâi krâ-nho\ng o hmâ ‘no 2 khu hơkâ, chêng [ă to\n chêng, tôu hơkâ a roh xuâng mê. Hâi têt, vâi krâ-nho\ng o xuâng xòe, hâi ki má 4 têt âm l^ch tá troh hâi 7 têt, vâi pơxá inâi xuâng xòe hâk suâ tơdah khế dêi hơnăm nếo, lếo drôu xiâm, ăm gle#ng còn, xuâng xòe tâ tá, tâi tâng pơlê cheăm rơtế veăng sôk ro hâk mơnê kôh tơdah rơnó hơngui hơnăm nếo.

Laga, drêng ai tơdroăng ki hiăng châ tơtêk [ă tơru\m ‘na mơhno mơjiâng túa le\m tro tung hên pơla khu hdroâng kuăn ngo, pak^ng mâu túa kơ’râu xuâng xòe tiô khôi hmâ vâi krâ roh nah, xuân ai tá mâu tơdroăng ki kơhnhon tuih, ai tá tơdrá prôa chal nếo nôkố, iâ hên xuân hiăng pro vâ mơhía lôi ki cho păng ‘nâng dêi túa kơ’râu xuâng xòe. Xua ti mê, Vi [an hnê ngăn kong pơlê Sơn La hiăng mơjiâng tơdroăng tơkêa bro, [ă hnoăng cheăng ki mơ’no pơkal athế pơtối mơjiâng, rak vế ki xiâm dêi túa kơ’râu xoâng xòe, tơru\m tá mâu túa kơhnhon xuâng tiô túa vâi krâ nah ki ối rak vế dêi túa mơhno mơjiâng túa le\m tro rêm hdroâng kuăn ngo Sơn La.

Troh nôkố, tơdroăng tơkêa bro mê hiăng klêi séa ngăn, tí tăng thâo xo, chêh ‘măn, rah xo mâu túa kơ’râu xoâng ki rơkê păng ‘nâng dêi mâu hdroâng kuăn ngo Sơn La vâ xúa, ‘mâi rơnêu. Ing tơdroăng ki tơ’noăng xuâng xòe tung lâp lu pơlê pơla, mâu hneăng hôp tơpui tối ‘na tơdroăng ki kố, klêi kơ’nâi 2 hdroh po roh hôp, tơdroăng tơkêa bro hiăng ru\m môi tuăn ‘na tơrak tơdrá xuâng xòe [ă mâu túa kơ’râu xuâng ki le\m ro má môi dêi Sơn La. Tơdroăng ki hnê tối ‘’Xòe Sơn La’’ hiăng pơkâ hên a mâu tơring Thuận Châu, Mường La, Phù Yên, Bắc Yên, Quỳnh Nhai, [ă pơlê kong kơdrâm Sơn La ăm mâu ngế ki khu ki mơđah, mâu ki hnê tối, ki pêi cheăng xiâm a mâu tíu mơhno mơjiâng túa le\m tro a pơlê pơla, cheăm bêng. Nâ Cà Thị Xôm, ngế ki mơđah dêi khu hơdruê xuâng Tà Lanh, cheăm Chiềng Hoa, tơring Mường La ki veăng hriâm lâm hnê tối ‘na xuâng xòe a tơring kố tối ăm ‘nâi: Ing chal vâi krâ nah hiăng ‘nâi xuâng xòe, hâi leh, hâi têt a pơlê cheăm tơku\m xah ôm hêi tung xuâng xòe, ôh tá pơrah khu vâi krâ, vâi hdrêng, vâi kơnốu vâi kơdrâi, mê vâi rơtế râng ko\ng dêi pó xuâng xòe. Hdrối nah, ngin xuân hmâ xah ôm hêi, hơdruê xuâng pơlê pơla tiô kơ tơdroăng ki ngin ‘nâi xêh, la ôh tá xuâng tiô tơdroăng ki hriâm. Dế kố hiăng ai thái hnê tối ‘na túa kơ’râu xuâng, vâi nâ o hiăng ‘nâi pơtâp tiô tơ-rêk, xuâng rơmuăn, rơpâ tiô idrâp chêng, tơdrá koăng, apoăng nah xuân cho chía pá, klêi kơ’nâi mê xua hiăng hmâ chiâng tơ’lêi nếo. Kơ’nâi mê, ngin kô pơtối hnê ‘măn ăm vâi rơxông nếo mâu túa ki ngin hiăng châ hriâm vâ ăm kuăn pơlê tung pơlê pơla rơtế ‘nâi.

Tiô tơdroăng pơkâ dêi tơkêa bro, la ngiâ kố ah, xuâng xòe Sơn La kô châ pơtối châ mơhriâm troh a mâu tơring, cheăm ki ê tung kong pơlê [ă hnối hnê mâu vâi hdrêng, hnối ai pơkâ tơchuâm troh túa kơ’râu xoâng dêi túa kơ’râu xuâng xòe. Pôa Lò Minh Hiên, Kăn pho\ hnê mơhno tơdroăng kal dêi kong pơlê Sơn La, ngế ki ối tung Khu hnê mơhno [ă tơku\m pêi pro tiô tơdroăng tơkêa mê, ăm ‘nâi: Tơdroăng tơkêa bro ‘’Tí tăng thâo xo, chêh ‘măn [ă mơhriâm túa kơ’râu xuâng ki mơhno mơjiâng túa le\m tro rêm hdroâng kuăn ngo a kong pơlê Sơn La’’, vâ pêi pro tro tiô troăng hơlâ dêi Đảng ‘na mơhno mơjiâng túa le\m tro, ki rơhêng vâ tối cho rak vế, pêi pro tiô troăng hơlâ dêi tíu xiâm má 5 hneăng 8 [ă nếo achê pơla kố tơdroăng pơkâ kơxo# 33 hneăng 11 dêi Đảng ‘na mơjiâng [ă thăm mơnhông mơdêk ‘na mơhno mơjiâng túa le\m tro [ă kuăn mơngế Việt Nam vâ tơxâng tơtro [ă tơdroăng ki mơnhông mơdêk dêi tơnêi têa. Ki ê, thăm hriăn ple\ng, tí tăng chêh tối, thâo xo, rah xo mâu túa kơ’râu xoâng xòe ki tơtro păng ‘nâng dêi hdroâng mơngế Thái tối phá xêh [ă mơhno mơjiâng túa le\m tro rêm hdroâng kuăn ngo Sơn La tối tơchuâm, ing mê, hnê tơbâ ăm khu kăn [o#, đảng viên, kuăn pơlê rêm hdroâng kuăn ngo tung kong pơlê, veăng kum ăm tơdroăng xah ôm hêi dêi kuăn pơlê vâ pơtối rak vế, pêi pro tro tiô tơdroăng mơhno mơjiâng túa le\m tro tung tơru\m cheăng lâp plâi tơnêi tiah dế kố.

Túa kơ’râu xoâng xòe Sơn La châ hnê mơhriâm, pơkâ túa kơ’râu xuâng bô bố dêi pó tung lâp kong pơlê kô veăng ăm hnoăng cheăng tung rak vế, pêi pro tro tiô ki kơnía git dêi mơhno mơjiâng túa le\m tro hdroâng kuăn ngo Sơn La. Kố xuân cho túa pêi pro ki tơtro păng ‘nâng vâ tối mơhno ki le\m tro dêi tơdroăng hơdruê xuâng tiô túa hdroâng kuăn ngo tung lâp kong pơlê tung lâp tơnêi têa.

Nhat Lisa chêh [ă tơbleăng