VOV4.Sêdang-Cho đông lêng ki xiâm dêi Kuân khu 5, Sư đoân BB2 ai hnoăng cheăng xiâm hnê cheăng lêng, đi đo hbrâ tơnáu xông pơplâ. Tơdrêng amê, đông lêng đi đo tơtro\ng pêi tơtro tơdroăng mơhnhôk kuăn pơlê a kơpong ki pro đông lêng, to\ng kum kuăn pơlê pêi tơtro tơdroăng xăm kơklêa, kơdroh kơtiê, mơjiâng thôn pơlê nếo, gâk kring tơdroăng kal kí [a\ hía hé. {ai dêi Ngế chêh hlá tơbeăng Rơ’jíu Việt Nam a kơpong Tây Nguyên ai chêh tối ‘na tơdroăng mê.

Ối a tôh 2, bêng An Bình, pơlê kong krâm An Khê, hên hơnăm kố, rơpo\ng pôa Nguyễn Minh Thư, cho rơpo\ng pá puât. 3 ngế kuăn dêi pôa hiăng xông droh rơtăm, laga tá hâi ai cheăng pêi tơniăn, kơdrâi pôa châi tamo plâ hơnăm, ôh tá ai ivá pêi cheăng. Klêi kơ’nâi séa ngăn tung pơlê, pro nho\ng o, ‘nâi tơdroăng, khế 8 hơnăm nah, Trung đoân 1, Sư đoân BB2 hiăng pro tơ’lêi hlâu ăm rơpo\ng pôa Thư mung 1 to ro kăn păn xo hdrê, pêi cheăng kâ. Troh nôkố, ro kăn hiăng ai kuăn, rơpo\ng sôk ro khât. Pôa Nguyễn Minh Thư tối:La lâi ro kuăn kố ‘nâi lăm rêi xêh nhâ, gá rêh xêh môi ngế, gá chiâng lăm rêi nhâ, ôu têa, mê kô mơdrếo ro kăn ăm đông lêng, vâ đông lêng ăm mơngế ki ê păn nếo. Nôkố, a mơ-eăm păn ăm gá re\ng kân, klêi mê pơtối păn hên tâ mê nếo. Tối tơchuâm á tâ sôk ro, mơnê hên ‘nâng, ôh tá ‘nâi tơpui môi tiah lâi, mơnê hên khât ‘nâng yoh.

{a\ tơdroăng to\ng kum ro hdrê ăm mâu rơpo\ng ai tơdroăng rêh ối pá puât cho tơdroăng ‘’Xăm kơklêa, kơdroh kơtiê’’ dêi Sư đoân BB2, Kuân khu 5. Rơtế [a\ tơdroăng kố, mâu hơnăm hiăng hluâ, Sư đoân hiăng tơku\m po hên tơdroăng ‘’Tơchuâm ivá mơjiâng thôn pơlê nếo’’, tơku\m lăm pêi cheăng lêng, kâ têt rơtế [ă kuăn pơlê, lăm kơ-êng, hơbruô kế tơmeăm ăm kăn [o#, mâu lêng ki ai tơdroăng rêh ối trâm hên pá puât; khăm pơlât, xing xoăng pơkeăng tê kơtê ăm kuăn pơlê a kơpong hơngế hơngo, [a\ veăng kum pêi cheăng, kum kuăn pơlê mơnhông cheăng kâ-rêh ối pơlê pơla.

Pák^ng mê, a mâu pơlê ki ai tơdroăng ki ôh tá tơniăn ‘na tơdroăng tiô khôp, mâu đông lêng tung Sư đoân đi đo mơhnhok kăn [o#, Đảng viên, mâu lêng pơtâng tối troăng tơmiât, troăng hơlâ kum hdroâng mơngế, tơdroăng loi t^ng tiô khôp dêi Đảng [a\ Tơnêi têa; mơjiâng mâu tôh đi đo chu a pơlê pơla mơhnhôk kuăn pơlê pôi tá tiô mâu ngế ki ‘mêi, tơplâ mơdât tơdroăng loi t^ng, tiô khôp Hmoong [a\ hía hé. Thie#u tă Lê Văn Toàn, Kăn pơkuâ khu ‘na pơtâng tối, mơhnôk kuăn pơlê Sư đoân {o# [inh 2 tối ăm ‘nâi:Ngin hiăng tơru\m [a\ khu kăn pơkuâ cheăng Đảng, khu kăn pơkuâ pơlê pơla a mâu tíu ki pro đông lêng pêi tơdroăng pơtâng tối, mơhnhôk kuăn pơlê, rơtế [a\ đông lêng vâ mơjiâng túa pơkâ cheăng, vâ pêi mâu tơdroăng pơkâ rêm khế [a\ rêm đông lêng. Hơnăm 2016, ing tơdroăng pơtối pêi mâu tơdroăng hiăng po rơdâ, mâu tơdroăng ki dế pêi dêi hơnăm 2015. Pơtih mơjiâng thôn pơlê nếo, xăm kơklêa, kơdroh kơtiê, pêi pro mâu roh cheăng ôh tá tối hdrối xua râ kơpêng pơcháu pêi cheăng.

Ing mâu tơdroăng pêi ki pơxúa tung pơtâng tối, mơhnhôk kuăn pơlê a mâu pơlê ki pro đông lêng, Sư đoân BB2, Kuân đoân 5 dế rế hía rế mơhno um méa ki le\m tro dêi ‘’Mô đo#i Pôa Hồ’’ tung hiâm mơno kuăn pơlê.

Ô vâi krâ nho\ng o [ă pú hmâ! Môi tiah mâu tơdroăng ki ngin hiăng tơbleăng tối apoăng âi. Nôkố, ngin pâ pó vâi krâ nho\kng o tơmâng tơdroăng ki ngin êng kơ Đăi tă Hà Tiến Dũng, Kăn pho\ pơkuâ ngăn ‘na cheăng kal kí, Sư đoân BB2, Kuân khu 5 ‘na hnê mơhno khôi túa [ă tơdroăng ki tơbleăng tơmeăm khoăng dêi Sư đoân.

Êng:Ô pôa, tung mâu khế hơnăm hdrối mê hía nah, Khu kăn lêng pơkuâ ngăn Sư đoân BB2 hiăng pơkâ mơ’no mâu tơdroăng cheăng ki klâi tung hnê mơhno khôi túa ăm kăn [o#, mâu lêng?

Đăi tă Hà Tiến Dũng:{ă Sư đoân BB2, ngin hiăng mơhnhôk pêi pro hên mâu tơdroăng cheăng tiô túa ki hên troăng hơlâ tung hnê mơhno cheăng kal kí vâ ăm khu kăn, mâu lêng hlê ple\ng ‘na khôi túa cheăng lêng ki ai sap ing nah. Ki rơhêng vâ tối, tung mê, pak^ng tơdroăng hnê a lâm ‘na khôi túa cheăng dêi lêng, mê mâu đông tung Sư đoân xuân ai mơhnhôk pêi pro hên túa cheăng ki ê. Môi tiah, tơku\m po roh tơpui tơno, êng tiâ tơdrêng ‘na khôi túa dêi cheăng lêng. Xuân ai drêng ‘nâ ing tơdroăng ki mơhno mơjiâng túa le\m tro, hơdruê xuâng, mơđah mâu tơdroăng ki pro pơro vâ hnê mơhno ăm mâu lêng hlê ple\ng nhên ‘na khôi túa dêi lêng. Tung pơla mơđah mâu tơdroăng cheăng lêng, mơhno tối hnoăng cheăng ki hiăng rơkê pêi pro dêi đông lêng, xuân ai drêng ‘nâ tơku\m po hâk mơnê tơdroăng ki tơbâ hâi kot mâ dêi khu pú lêng, pêi pro mâu hnoăng cheăng kâu lăk [o# pơla lêng [ă kuăn pơlê, mơhno tối ‘na mâu tơdroăng ki tơbleăng tối ‘na khôi túa cheăng dêi tiêuh đoân, dêi trung đoân, dêi sư đoân. Rêm khế, ngin ai pơkâ thế mâu đông lêng tơku\m ăm mâu lêng lăm ngăn a tíu ki mơđah tơbleăng um, hlá mơ-éa tối ‘na khôi túa dêi cheăng lêng, ăm tâi tâng mô đo#i châ ngăn um xi-nê ‘na khôi túa cheăng ki ai sap nah dêi sư đoân, xuân ai drêng ‘nâ pơkâ pêi pro mâu tơdroăng cheăng tung veăng ai inâi Hồ Chí Minh, amê, ai hlá mơ-éa chêh tối ‘na ki mơjiâng [ă tơdroăng ki xông ó rơdêi dêi tiêuh đoân, trung đoân [ă sư đoân, um méa, hnoăng cheăng ki pơkuâ ngăn dêi tiêuh đoân, trung đoân, sư đoân sap ing rơxông hdrối mê hía nah troh nốkố.

Drêng kôh tơbâ hâi ki mơjiâng dêi đông lêng ngin kố, ngin hiăng lăm krếo mâu ngế vâi krâ ki hiăng pơtê hdrối nah xuân pro kăn pơkuâ lêng, vâ vâi tối tơno ăm pin ‘nâi khôi túa cheăng dêi mô đo#i. Tiô á tơmiât, kố cho môi túa cheăng ki pro pơxúa kân păng ‘nâng ăm tơdroăng hnê tơbâ, tối pơchân ăm mô đo#i rơxông nếo. Tơdrêng amê, hnối hnê tối ‘na hnoăng cheăng ki hmâ pêi dêi khu lêng, malối a chôu phut pơtê, xuân ai tối tơbleăng a loa, a kơmăi xua tơná ngin chêh tối dêi mâu tơdroăng cheăng ki mê. Tung mâu hơnăm hiăng hluâ, ing mâu hnoăng cheăng ki hnê mơhno ‘na khôi túa dêi lêng, malối, [ă mâu um méa, hlá mơ-éa ki ki mơđah mê mâu lêng mot ngăn kô re\ng hlê ple\ng hên tơdroăng, rak vế tơniăn hnoăng cheăng ăm mâu mô đo#i tung hnoăng cheăng, pêi cheăng, hriâm tâp thăm rế kơhnâ khât tâ, hiâm mơno dêi mô đo#i đi đo tơniăn, kăn [o#, mâu lêng tơniăn tuăn [ă rơhêng vâ tối, hiâm mơno tung tơdroăng mơjiâng hnoăng cheăng đông lêng tiô hnoăng ki krá tơniăn, tu\m têk mâu tơdroăng. Ki rơhêng vâ tối, kơnôm ing tơdroăng hnê mơhno tối khôi túa dêi cheăng lêng, hiăng veăng kum pro hên hnoăng cheăng ki veăng tơ’noăng tung khu đông [ă hiăng veăng kơdroh tơdroăng ki khu kăn [o#, mâu lêng tung sư đoân tro pro xôi.

Êng:Ing tơdroăng ki tơku\m po hên mâu túa, tơdroăng cheăng, túa cheăng hnê mơhno khôi túa roh nah, sư đoân hiăng hlo ai tơdroăng cheăng tơ-[rê ki lâi?

Đăi tă Hà Tiến Dũng:Ngin hiăng hlo tơdroăng ki ai pơxúa păng ‘nâng, maluâ pơxiâm pêi pro. Ki hdrối tâ, kal athế đi đo tăng troăng hơlâ, túa ki vâ hnê tối khôi túa dêi cheăng lêng [ă mâu um, hlá mơ-éa, pro ti lâi ăm ga tơtro [ă hiâm mơno, tuăn tơmiât dêi mô đo#i, ki rơhêng vâ tối [ă mâu lêng hơnăm ối nếo. Ki má péa, [ă khu kăn pơkuâ rêm râ, malối [ă kăn [o# ngăn ‘na cheăng kal kí mê kal athế ‘nâi hnê mơhno hiâm mơno, tơche\ng tơmiât, mơjiâng mâu túa cheăng ki rơkê, tơtro [ă hiâm mơno, tơdroăng pói vâ dêi mố đo#i rơxông nếo nốkố. Ki má pái, athế mơdoh chôu phut [ă athế ‘nâi xúa mâu kơmăi, ko\ng nge# chal nếo nốkố tung tơdroăng hnê tối khôi túa dêi cheăng lêng, vâ kum ăm hiâm mơno dêi mô đo#i kô thăm rế re\ng hlê ple\ng hên tâ hnoăng cheăng kal athế pêi pro dêi mô đo#i. {ă túa ki pêi pro ai tơ-[rê má môi mê cho mâu roh leh, hâi kôh tơbâ, hâi kân krip, hâi mơjiâng lêng mê ngin ai krếo mâu kăn hneăng hdrối nah, hiăng pơtê, vâ vâi hơ’muăn tối, hnê khe\n ăm khu mô đo#i hlê ple\ng hên hnoăng cheăng dêi mơngế lêng.

Êng:Tung la ngiâ kố ah, sư đoân kô pro ki klâi ‘na tơdroăng vâ pơtối pêi pro mâu tơdroăng ki tơ-[rê tung hnoăng hnê tối cheăng lêng?

            Đăi tă Hà Tiến Dũng:Vâ tơdroăng hnê tối cheăng lêng tung la ngiâ châ tơ-[rê, [ă mâu kăn pơkuâ, khu ki hnê mơhno rêm râ tung sư đoân kal athế tơku\m pêi pro hên tâ tung tơdroăng hnê mơhno ‘na hnoăng cheăng dêi lêng. Khu kăn, mâu hnê mơhno kal athế pơkâ thế, pơcháu hnoăng cheăng ăm mâu đông lêng tí tăng troăng hơlâ ki hnê mơhno, malối [ă tơdroăng ki tơbleăng mơđah um méa, hlá mơ-éa ki tối ‘na hnoăng cheăng dêi mơngế lêng athế pêi pro, [ă athế ai túa pêi pro ki hên túa pơrá phá dêi pó, la athế tơtro păng ‘nâng vâ pro hiâm mơno dêi mô đo#i re\ng hloh klê, rơkê ple\ng. {ơrô ngăn ‘na cheăng kal kí dêi sư đoân, ki malối khu pơkuâ ngăn ‘na hnê mơno kal athế đi đo hriăn ple\ng, hnê mơhno, pơkuâ tơdjâ ăm mâu đông kơhnâ khât tung hnê mơhno tối mâu tơdroăng cheăng kal athế pêi pro dêi khu lêng mô đo#i, tung mê, kal athế tơku\m mơnhông ‘na tơdroăng ki xúa dâi mâu kơmăi, ko\ng nge# chal nếo nốkố. {ă mâu túa pêi pro [ă tơdroăng to\ng kum ngăn khât dêi khu kăn pơkuâ sư đoân BB2 tung mâu khế hơnăm hiăng luâ, ngin xuân loi tơngah tiah kố, tơdroăng hnê tối ‘na khôi túa dêi cheăng sư đoân BB2 tung hơnăm 2016 [ă tung mâu hơnăm la ngiâ kố châ pêi pro thăm rế tơ-[rê hên tâ.

Mơnê kơ êh pôa!

Nhat Lisa prế A Sa Ly tơplôu [ă tơbleăng