Rui H'Tuk châ ngế ki păn rui Y Xuyên ăm kâ [a\ séa ngăn tơdroăng rui tro chôm, pơrea\ng

To lâi hâi kố, rui ai inâi H’Tuk, 35 hơnăm, cho dêi ko\ng ti ôm hyôu Buôn Đôn-Thanh Hà, cheăm Krông Na, tơring Buôn Đôn rak ngăn, dế trâm môi tơdroăng châi ki tơviah pro mơngế rak ngăn rui cho ngoh Y Xuyên Knul chiâng tô tuăn. Klêi rôh po leh mơd^ng lơ 8 khế 3 kố nah, rui H’Tuk chiâng tơviah, ôh tá vâ rêi nhâ, rêi iâ tê, a drô rơkong rui lo hbáo, tum khêi mơtiah puih pơtong têa tô. Ngoh Y Xuyên ăm ‘nâi, kố cho rôh apoăng ngoh hlo rui ai tơdroăng châi tơviah môi tiah mê, ngoh hiăng kơ-êng hên ngế ki rơkê păn rui tung pơlê la ngế ki lâi xun tối hâi chói trâm hlo pơreăng kố. Tơdroăng kố pro ngoh thăm rế tô tuăn:Ôh tá ‘nâi xua ti lâi gá tiah kố, hdrối nah ngoh xun cho ngế ki păn rui săp ối tơx^n. hiăng to lâi hơnăm kố hâi teăm hlo tiah mê. Hmâ hlo mot tung kong tro kơtong lơ tro châi chêng tro ilá mê pin xo pơkeăng kong pik klêi mê pik a tíu ki gá ai hbáu ah gá prêi. Ôh tá ‘nâi, xuân hiăng êng mâu ki păn rui vâi tối nếo hlo rui lo hbáo tơlêa tiah mê rôh apoăng, sap nah hâi chói hlo rui tro môi tiah mê, mơni xâu gá tro kâ kế hmâng vâ ‘nâ hía vâi ăm gá kâ pơkeăng kố pơkeăng tá ‘lo, vâi xâu tiah mê tê. Hmâ hlo sap nah rui hâi lo hbáo rơkong. Hâi chói hlo ôh ‘nâng yôh.

Hlo rui H’Tuk tro pơreăng tiah mê, ngế rak ngăn kơpong ôm hyôu hiăng ăm rui chơ tơmối, kât rui a chê kroăng vâ tơ’lêi hlâu séa ngăn ôh tá djâ tung kong kât môi tiah rêm hâi. Rêm hâi, ngế rak ngăn rui ăm rui kâ [ă hlá lăm ngăn vâ ‘nâi tơdroăng rui lo hbáo, krếo mâu ngế cheăng pơkuâ rak ngăn troh lăm khăm [ă ăm pơkeăng.

Ai mâu ki ‘nâ tối tiah kố, nôkố rui a mâu tíu ơm hyôu tro ‘’mơ’nêa pêi cheăng hngăm‘’, thế pơto tơmối hên hdrôh hluâ kơ ivá, ôh tá châ pơtê. Tơdroăng kố ôh tá tro. A mâu tíu ôm hyô ki khu chêh hla tơbeăng troh lăm ngăn vâ tí tăng ‘nâi ple#ng, mâu rui akố, tá rui hngêi [ă rui dêi khu ki ăm pơto tơmối, xun ai chơ pêi cheăng tro tơdroăng, ai chơ pơtê, [ă rêm khế môi to rui tê pêi cheăng tung plâ môi pơla măng t^ng. Ngoh Y Bral Êban, ăm rui lăm pêi cheăng a tíu ôm hyôu Kông vế Buôn Đôn tối:Rui môi khế gá bố pêi cheăng môi pơla măng t^ng tê, xua gá pêi cheăng tiu tour, môi khế prôk môi măng t^ng. Prôk rêm hâi tiah mê ti lâi gá ai ivá, tơbrêi yôh, ối 3 pơla măng t^ng pin kơ’nêi gá tung kong.

Rơkong rui H'Tuk tro hbáu, khêi mơtiah puih têa tô

Pôa Nguyễn Đức, Kăn pho\ pơkuâ ngăn ‘na ôm hyô [ă hngêi ăm tơmối kâ koi pơtê Biệt Điện, kong pơlê Dak Lak xuân ăm ‘nâi:Rui hdrối nah, vâi xúa ăm pêi cheăng tung rơpo\ng hngêi, môi tiah lăm tung kong toi loăng ‘na rui ăm chơ tơmối ơm hyôu hmâ hlo ôh tá tro klâi, xua mê, tơdroăng ki pơkâ ăm gá cheăng thế kơdroh iâ, thế pơkâ hâi ăm rui pơto tơmối, thế k^ tơhrâ tung hla mơ-éa. Măng t^ng ki ‘nâ pin ăm rui lăm chơ vâi, môi tiah môi măng t^ng ai 4 to rui kôm pêi cheăng, mê mâu rui ki ê pơtê, hơ’lêh dêi rơpó.

Hâi lơ 8 khế 3 kố nah, rui kơnốu ki 40 hnăm ai inâi Khăm Thơng, dế rơdêi kơdrâ hlâ. Ki xiâm gá, tiu mâu tung rơpo\ng hngêi ki păn rui tối xua rui hiăng troh rơnó vâ ti tiu mê gá khoh hơ’lêh tuăn tơmiât, chiâng krâ ‘mêi, hlối hlâ klêi kơ’nâi 2 măng t^ng ôh tá vâ rêi nhâ, ôh tá ăm dêi ngế ki păn achê dêi tơná. Ngin hiăng thâu xo [âng tơpui tơno [ă ngoh Y Bral Êban, hâi rui pêi cheăng a kơpong ôm hyô ngăn Kông vế Buôn Đôn cho ngế o hdrông hdrê dêi ngế păn rui tro hlâ mê tối ki xiâm tơdroăng kố:Xua ôh tá châ mot, xua gá ôh tá ‘nâi kơnó ngế ki păn. Tâng rui mê châ hlu\n ho\ng mê, pơlê kô tơprâ tơpru\ng tâi, xua rui ki mê gá rơdêi, rui ki mê hiăng pơkuâ djâ, rơdêi má môi. Gá rơkê luâ râ, gá vâ hlâ xêh, ôh tá vâ vâi châ rup gá.

Pôa Huỳnh Trung Luân, kăn pơkuâ khu rak ngăn rui dêi kong pơlê Dak Lak xuân tối:Tiu kơ koan, khu râ pơkuâ cheăng séa ngăn [ă  khu ngăn rui tối, rui ki kố gá hlâ ôh tá xê pêi cheăng tơbrêi hluâ kơ ivá, tiu ngin, rui ki kố drêng kơ’nêi gá tung kong gá ôh tá ăm pin ‘nâi gá hiăng tro châi tung châ. Xua hyôh kong prâi hơ’lêh hmâng vâ, kong tô pơ-oh luâ râ mê rui ôh tá ai ivá.

Ai môi tơdroăng ki păng ‘nâng ăm hlo mê, tơdroăng rak ngăn rui dế pêi pro tiah mâu túa ki hmâ pêi ing mâu rơxông kố troh rơxông tá tung rơpo\ng hngêi hmâ pro, ngăn tiu kơ tơdroăng hlo [ă mâ pá gong, mâu tơdroăng hơ’lêh ki ê dêi rui ôh tá ‘nâi xiâm ing lâi, xuân ôh tá châ séa ngăn [ă kơmăi kơmok ki nhên khât. Rêm khế mâu ngế pêi cheăng rak ngăn tơmeăm khoăng troh lăm séa ngăn xuân pêi pro tơdroăng kâng ngăn vâ ‘nâi rui hngăm hiâ to lâi, [ă hlối xo êak gá djâ xéa ngăn tê. Kố cho rơkong pôa Nguyễn Đức, kăn pho\ pơkuâ ngăn ‘na ôm hyô [ă ngăn tíu ăm tơmối kâ koi ối pơtê Biệt Điện, kong pơlê Dak Lak tối: Tơdroăng rak ngăn [ă khăm ngăn rui akố bố pro tiu túa hmâ pro sap nah, hâi teăm xúa ai khoa hok ki lâi ôh. Mê rui gá rơdêi la gá tơ’lêi hlâ, tâng vâ tối păng ‘nâng, nôkố ôh tá ai mâu ki rơkê dêi kơvâ cheăng kố vâ rak ngăn rui.

Dak Lak nôkố ai 47 to rui hngêi, tung mê ai hên rui hiăng hluâ 40 hnăm. Xúa ăm tơmối ôm hyô ôh tá xê tơdroăng ki tô tuăn tung la ngiâ dêi khu rui, mê ối cho tơdroăng ki tô tuăn ‘na păn roăng rui tiu khôi hmâ [ă tơdroăng ki hiăng hơ’lêh ‘na hyôh kong prâi [ă tơdroăng rêh ối. Túa păn rui săp ing lối hr^u hơnăm hdrối nah nôkố ôh tá tơtro xua kong kế vâ kơ’nêi rui ôh tá kân rơdâ mơtiah nah xếo, kong rế tâi [ă nhâ rêi rế pá ai hên. Mê, nếo tôi to mâu tơdroăng kô ai khât ki mâu ngế ai hnoăng cheăng kal thế tơmâng tăng troăng tơkâ hluâ, tâng vâ pơtối rak vế ăm rui hngêi.

Gương tơplôu

Rui lăm pơto tơmối ơm hyô