VOV4.Sêdang - Xua tơdjâk dêi pơreăng COVID 19, tơdroăng tê, rôe tơmeăm khoăng ngi kong têa ê tung khế 7 kơdroh. Tâi tâng kơxô̆ liăn pêi lo tê, rôe tơmeăm ngi kong têa ê khế 7 pơla kố nah tiô xêo châ 55,7 rơtal dollars, bu tâk 1,5% tâng pơchông ƀă khế hdrối. Laga, xêo tơdjuôm 7 khế hơnăm 2021, tâi tâng kơxô̆ liăn tê, rôe tơmeăm khoăng tiô xêo xuân châ a kơlo ki hên (tâk 30,2% tâng pơchông ƀă roh kố hơnăm hdrối).

Môi tung mâu troăng pêi châ Khu xiâm pơkuâ Kơmăi kơmok – tê mơdró tối rơdêi mâu khế mơ’nui hơnăm cho thăm tê tơmeăm ngi kong têa ê, mơdât ki rôe lối hên, tơkŭm châ hên roh tơ’lêi hlâu ing mâu FTA vâ ti tăng troăng mơnhông kơchơ tê mơdró ƀă tah lôi mâu tơdroăng ki mơdât vâ mot tung kơchơ tê mơdró nếo. Thăm mơnhông ƀă po rơdâ kong têa ki tê tơmeăm khoăng, xúa tâi tâng mâu tơdroăng ki tơ’lêi hlâu ing mâu Tơdroăng tơkêa bro tê mơdró tơ’lêi hlâu FTA hiăng ai xêt khât; ai hên kong têa ki tê tơmeăm ngi kong têa ê, rôe tơmeăm ngi kong têa ê.

A Sa Ly tơplôu ƀă tơbleăng