VOV4.Xơ Đăng -   Tơdroăng “Têt tơkŭm dêi rơpó” hơnăm 2022 kô tơkŭm po trâm mâ 10 rơpâu rơpŏng mâu đoân viên kŏng đoân, mâu ngế ki pêi cheăng cho mâu ngế kơtiê xơpá, ôh tá châ vêh kâ Têt, tiô tối hdrối kô po sap hâi lơ 22/1 troh lơ 27/1/2022. Kố cho môi tung mâu tơdroăng pêi pro “Kŏng nhân xah hêi ro Têt rơtế ƀă tung kơphô̆” . Tơdroăng “Têt tơkŭm dêi rơpó” Pơlê kong kân Hồ Chí Minh hơnăm 2022 châ tơkŭm po a mâu kŏng đoân a cheăm tơring kong pơlê, lơ a kŏng đoân râ kơpêng, ngăn tiô kơ tơdroăng ki ai khât dêi mâu tơdroăng mơhno túa lĕm tro, hơdruê xuâng tơdah lo hơnăm nếo, tơrŭm ƀă tơdroăng tơmâng tŏng kum, hbru tơmeăm ăm đoân viên kŏng đoân ƀă mơngế pêi cheăng.

Roh kố, Khu ngăn mơngế pêi cheăng Pơlê kong kân Hồ Chí Minh kô tơmâng ăm 1 rơpâu ngế đoân viên ki kơtiê xơpá, rêm ngế kô châ 1 rơtuh liăn; tơkŭm lăm pôu, mơhnhôk hơlêm 12  tíu pêi cheăng ƀă tŏng kum ăm 600 ngế pêi cheăng ki kơtiê xơpá dêi mâu kơvâ cheăng, kơvâ ngăn pơkeăng pơlât, hbrâ mơdât pơreăng, pro mơgrúa hyôh kong prâi.

Gương tơplôu ƀă tơbleăng