VOV4.Sêdang - Kơxo lơ 10 khế 5, a Hà Nội hiăng po roh hôp ‘’Kô mơjiâng môi ASEAN ôh tá ai tơdroăng tơxiăn tơpâm pơla vâi kơdrâi vâi kơnốu - ki rơkê ple\ng dêi mâu khu cheăng pá kong chin phuh ‘na mơjiâng [ă pêi pro tiô troăng hơlâ mê’’. Tung mâu hơnăm achê pơla kố, kơpong ASEAN hiăng ai hên tơdroăng ki hloh hlê rơkê ple\ng tung mơdât tơdroăng tơxiăn tơpâm pơla khu vâi kơdrâi kơnốu tung on veăng, kơnôm ing mơ’no troăng hơlâ tơru\m cheăng tung kơpong [ă râ tơnêi têa. Ma luâ ti mê, tơdroăng ki hiăng châ chiâng pêi pro mê tá hâi tơxâng [ă hiâm mơno pói vâ dêi kuăn pơlê. Xua ti mê, mâu kăn tối tiah kố, kal athế thăm hnê pơtâng hên tâ nếo vâ hơ’lêh tuăn mơno dêi khu vâi kơnốu ki hmâ ai tơdroăng xiăn pâm vâi kơdrâi tung on veăng,  tung mê, kal athế ngăn kal khât hnoăng cheăng dêi khu cheăng pá kong chin phuh. Xông tơpui a roh hop mê, jâ Robbin Mauney, Kăn hriăn ngăn ‘na tơdroăng ki vâ mơdât tơxiăn tơpâm pơla khu vâi kơdrâi - vâi kơnốu a kơpong ASEAN tối ăm ‘nâi, [ă tơdroăng ki tơxiăn tơpâm mê khu cheăng pá kong chin phuh ai hnoăng cheăng kum mâu ngế ki tro pâm xiăn vâ vâi ‘nâi hnoăng cheăng dêi tơná [ă tíu ối ăm vâi kơdrâi ki tro pâm xiăn [ă châ hnê, to\ng kum. Tơdrêng [ă tơdroăng veăng kum ăm mâu ki tro mơ’nêa mê, kal pêi cheăng a mâu kơ koan ki ai tơdjâk troh vâ ai tơdroăng cheăng hnê thế ai troăng hơlâ tơtro vâ tơplâ mơdât ‘na tơdroăng tơpâm tơxiăn a mâu kong têa kơpong ASEAN.

Nhat Lisa tơplôu [ă tơbleăng