Rơngêi ting ting êng tiâ (Đơs Long lơ Đơs Tâm Pơt) dêi mơngế K’ho, tung mê ai, rơngêi ting ting êng tiâ dêi pó, rơngêi pro pú hmâ [ă rơngê tung mâu roh diâp, tơxêu o\ng mế. Nâl rơngêi ga hmâ ‘nâng ‘nâi, mơhno tối mâu um méa ki hmâ hlo, achê [ă tơdroăng tơmiât, tơdroăng tơche\ng, túa rêh ối dêi hdroâng K’ho. Ki xiâm dêi rơngêi Đơs Long lơ Đơs Tâm Pơt dêi hdroâng K’ho ga ai hên túa, tung mê, ai tâi tâng mâu tơdroăng ki xiâm tung tơdroăng rêh kâ ối tiah hmâ, môi tiah tơdroăng ki mơjo pâ dêi pó tung rơpo\ng hngêi, hnê tối kuăn ‘ne\ng, pêi pro tiô rơkong Pôa Hò hnê pơchân, môi hiâm mơno tiô Đảng, Tơnêi têa.

Jâ K’Bri, ối a tơring Lâm Hà tối ăm ‘nâi:

‘’Đơs Long, Đơs Prơ cho tơdroăng rơngêi dêi mơngế K’ho pin ga cho ro rih [ă ai pơxúa kân khât ‘nâng, mâu [ai rơngêi ting ting mê hmâ hnê tối kuăn ‘ne\ng cháu chái mâu tơdroăng ki ‘ló, ki tro, pin athế ‘nâi túa rêh kâ ối, nho\ng o tung rơpo\ng hngêi pin athế hơ-ui, mơjo pâ dêi pó, tơru\m dêi pó [ă pêi pro tiô troăng hơlâ dêi Đảng, Luât dêi tơnêi têa’’.

Rơngê êng tiâ cho tơdrá ki hmâ xúa vâ pro tơhmâ, êng tiâ pơla vâi kơdrâi, vâi kơnốu. Rơngêi êng tiâ mê ai 2 túa: ki má môi cho mơhno tối hiâm mơno dêi tơná [ă ngế ki tơná mơjo pâ [ă tơkôm kô ai tơdroăng tiâ tơvêh. Nâl rơngê mê ga cho tơtro, tơ’ló [ă ro rih. Ki má péa nếo, xuân ai tối ‘na tơdroăng ki hmâ tối mơ’nhôp dêi châ. Ki xiâm dêi nâl rơngêi ting ting mê cho vâ tối ‘na tơdroăng ki pá dêi ngế kơtiê ôh tá ai hên kế tơmeăm, chêng, koăng, vó, châ chăn ôh tá dâi, khíu pâ kơ vâi la ôh tá khên êng tối nhên.

Rơngê pro hmâ cho rơkong ki rơngêi tơmiât to tung tuăn, ngăn kơ tơdroăng ki ai khât păng ‘nâng [ă tơdroăng ki vâ tơpui tung nâl rơngêi mê dêi ngế ki tá vâ tiâ hnó, xua mê, tơdroăng rơngê ga iâ ai ko [ai ki xiâm, [ă hmâ tâng ai hên tơdroăng ki kơdeăn tơdroăng ki le\m tro, tơdroăng ki krâu tung pêi viâ tơdroăng cheăng dêi ngế kơdrâi.

Pak^ng rơngêi êng tiâ, xuân ối ai êng tiâ vâ pro hmâ dêi pó. Mơngế K’ho hmâ rơngêi pro pú drêng ai pú hmâ lăm troh a hngêi lơ rơngêi pơla pơlê ki kố [ă pơlê ki tá. Mơngế K’ho hlế kơ tơmối, vâi tơdah tơmối, nho\ng o tá hiâm tuăn [ă tâi tâng tơdroăng ki klâi ki tơná ai. Maluâ ti mê, vâi xuân hmâ mơ’nhôp dêi châ [ă ôh tá mơnhôm, xâu mâu tơdroăng ki tơná ai la ôh tá pro tro tuăn [ă tơxâng tơdroăng pói vâ dêi tơmối, dêi nho\ng o. Pôa K’Branh, ối a tơring Lâm Hà, tối ăm ‘nâi:

‘’Rơngê êng tiâ dêi hdroâng kuăn ngo ngin hdrối nah hmâ ai tung pơla ôu drôu têa, drêng trâm mâ dêi pó, chiâng ai rơkong, nâl rơngêi êng tiâ, klêi mê, tô hơkâ, to\ng chêng [ă tơdroăng pêi pro kố châ ngăn cho mơhno túa le\m tro dêi hdroâng K’ho ngin.

Ki xiâm dêi tơdroăng rơngêi mê cho êng tiâ dêi pó, rơkâu ivá dêi pó [ă ai drêng ‘nâ koh pơ’lâng dêi pó hdrối vâ prếo vêh. {ă tơdroăng ki rơngêi mơnê Đảng, Tơnêi têa mê ngin ai rơngê ‘na tơdroăng to\ng kum, rak ngăn dêi Đảng, dêi Tơnêi têa [ă dêi khu kăn pơkuâ’’.

Rơngê êng tiâ ối hmâ rơngêi tung pơla diâp, tơxêu, pơkoăng o\ng mế. Mơngế K’ho cho hdroâng ki xua khu vâi kơdrâi pơkuâ xiâm, xua mê, vâi droh athế lăm tăng dôh. Vâi nhuo#m ‘nâng tơdroăng ki krá tơniăn dêi tơdroăng xo on veăng, xua mê, khoh chiâng ai tơdroăng tí tăng ‘nâi nhên dêi pó hdrối vâ xo dêi pó. Tung diâp o\ng mế, pak^ng mâu tơmeăm hdroăng ki kơnía, peăng hngêi kơdrâi kal athế rơkê rơngêi vâ tí tăng ‘nâi hiâm tuăn dêi peăng hngêi kơnốu. Klêi mê, péa pâ nếo tơno vâ pêi pro mâu tơdroăng cheăng dêi prế droh rơtăm ki xiâm diâp vâ hdró dêi pó mê.

Tung pơkoăng o\ng mế vâi hmâ rơngêi mâu [ai rơngêi ki ai xiâm kối pơto pơtih dêi pó ăm i ro. Xua ti mê, mâu tơdrá ki vâ rơngêi hiăng chiâng tơdroăng ki ôh tá păng lôi tung pơkoăng o\ng mế dêi mơngế K’ho. Laga, mơjo ‘nâng, mâu ngế ki ‘nâi rơngê ôh tá ai hên xếo, [ă dế vâ rế hía lôi tiô khế hơnăm.

K’Hạnh chêh

Nhat Lisa tơplôu [ă tơbleăng